Chit份資料ê內容lóng總有60篇，多數是李傳牧師所記寫ê講道筆記手稿，第一篇〈精神上的生產〉，所beh傳達教理主要聖經經文是哥前（歌林多前書）4：15：「因為lín tiàm-tī基督，先生雖然káng-bān（講萬），nā是老Pē就無chōe ê；因為tī基督耶穌，我bat對福音來生lín。」；另外篇目，其中〈羅馬書精讀〉，是針對新約聖經〈羅馬書〉ê精讀ê講解筆記，本文記kàu第一章第17節；第18節～第3章30節ê部分，記寫tī〈羅馬書的精神〉，chit篇來講保羅先生所teh論「猶太人」kap｢異邦人」ê罪。另外，有1篇祈禱文；特別節日禮拜講道有：〈博士見主〉，本文講來週是聖誕週，普天同慶，對聖經所記，對東方來ê博士專工beh chhōe聖嬰耶穌，koh帶3項禮物：獻黃金、乳香、沒藥來敬獻，啟示聖嬰耶穌尊榮身份kap地位；koh 1篇，〈母性愛（母の日の（母親節ê）說教)〉〉，講論母親節ê由來，koh提醒信徒tio̍h孝敬pē母，趁上主教示。（文/Bo̍k ilī）