Chit份資料ê內容有2篇筆記，〈God bô só͘ bē ē（主無所bē ē）〉禮拜筆記；〈怎樣讀經？〉，14條。剪報篇。主要所記寫多數是作者tī特殊禮拜ê講道，有21篇；比如：〈迦南在望〉，秋季中會ê禮拜講道，反省福音來台100週年ê福音事工；〈教會建立〉，是高雄中會第85間ê教會ê開幕典禮禮拜講道；〈教會成立的原則〉，是主禮牧師就任式ê講道；〈平原枯骨復生的異象〉，是tī高雄中會最古老（上古早） ê教會「木柵教會」，為in舉行牧師就任典禮ê講道；〈約瑟的臨終〉，是告別禮拜ê講道，老先生ê一世人值得人欽仰ê，tio̍h親像伊ê遺言：「若有上帝kap 伊同在，就有幸福，che是根據伊一生ê信仰kap生活。」；〈因我們是與神同工的〉，是岡山教會許文標牧師就任式特會禮拜ê講道；1964年，〈排灣中會成立致辭〉；〈標準傳人應有的認識〉，是tī鼓巖教會，P.K.U （倍加運動）ê禮拜講道；最後1篇是1967年1月2日，旗山小區T.K.C演講，〈我所看的Japan〉，內文是作者bat受總會選派去日本考察，針對日本ê社會方面kap教會方面，來kap旗山小區ê青年團契分享所觀察tio̍h日本ê社會kap教會ê優、缺點hām感想，建議台灣青年thang學習ê所在。（文/Bo̍k ilī）