Chit份資料是李傳牧師對1962年1月開始記寫ê講道筆記手稿，lóng總有18篇講道筆記、1篇祈禱文、2篇會議記事；其中，祈禱文是：〈祝旗山50週年的禮拜祈禱〉；2篇會議記事是受託做民生教會、民族教會ê小會議長，去主持長執選舉、就任式kap聖餐式，所記ê小會會議簡錄。講道篇ê部分，其中有幾篇特別講道，〈退修會夕陽會講道〉，chit ê聚會是作者歷年參加退修會第一pái擴大舉辦，成員除了牧師以外，koh有長執、T. K. C、婦人會、傳道人員kap傳道人員ê家屬也參加ê聚會，講道篇內文主要teh勉勵參會者，是做主ê工人，tio̍h學習聖徒「保羅」先生，為主kap伊ê教會來做好ê爭戰，做主忠實ê工人。其他ê特別講道koh有：「1962年7月16日，於屏東教會」，屬（囑）託傳進修會講演，〈教會行政〉；1962年9月17日，高中傳教師會，開會禮拜，〈傳教者與時代（婦女與時代）〉；以及〈高中長執靈修會開會禮拜〉。另外，作者tī本資料內容有chham-chhap 8張中文剪報。（文/Bo̍k ilī）