Chit份資料是李傳牧師對1952年2月17號開始記寫ê講道筆記手稿，lóng總12篇；〈毋懼當傳，毋緘默我偕爾（Bo̍h得驚，tio̍h講，m̄-thang靜靜，我kap你tī-teh）〉，經文：acts（使徒行傳）18：1-11，看聖經教示，若是上帝所應允ê差遣者誠心靠主，thang 得喜樂，咱信徒tī chit-ê時代，koh khah tio̍h奮發，像聖經教示：「Bo̍h得驚，tio̍h講，m̄-thang靜靜，我kap你tī-teh」 。〈不悔改將滅亡〉，經文：LK（路加）13：1-5，耶穌教示講，若m̄悔改boeh親像西羅亞ê塔倒落來teh死ê 18 ê人kāng款滅無，chit-ê滅亡m̄是單單身體滅亡，連靈魂也滅亡，taⁿ咱tio̍h記得耶穌chit句話來反省悔改kiâⁿ真道。〈回到基督裏面罷（吧）〉，經文：創8：6-12，用挪亞造大船ê故事來勉勵信徒心目tio̍h ǹg天頂ê上帝。〈西門？女人？〉，經文：路（路加）7：36-52，今日真chē人thiàⁿ主親像法利賽人西門，kan-ta外表niâ，內心對主bōe有真情，對照hit-ê地位卑賤、眾人phí-siùⁿ ê婦人人所做真心疼主ê行為，咱各人自己來審核ka-kī。〈十字架的奧秘〉，經文：LK（路加）1：10-25，只有仰望倚靠基督ê十字架chiah thang kap上主相和好。〈怎樣聽道〉，經文：雅各1：18-29、 亞摩士（阿摩司）8：11。咱聽道理是beh tī聽道當中明白上帝ê旨意，khah要緊ê是將所聽ê道理速速消化chiâⁿ做咱ê活命來kiâⁿ，hō͘世間人看咱 ê好行為，thang將榮光歸hō͘ 上帝。後面koh有：〈主要用他〉，經文：馬太 21：1-14。〈至好的朋友 （偉大的良友）〉。〈使人滿足的God〉，經文：詩 107：9、路12：15。〈清心有福〉經文：I - Pí（彼得前書）1：13-22、馬太5：8。〈信徒與聖會〉。〈贖罪祭的意義〉，經文：利未記4：1-35、6：24-30、希伯來10；8-25。（文/Bo̍k ilī）