Chit份資料是李傳牧師tī旗山教會所寫ê講道筆記手稿，內容有〈惡鬼落崖：格拉森患精神痟者受拯救〉等12篇講道篇章，〈惡鬼落崖〉是記載tī聖經馬可福音書第5章1~19所講ê事，講起エス（耶穌）與格拉森犯鬼者就是hit-ê「患邪鬼ê人」，啟示眾人耶穌ê大能力、大氣力，ē將軍團式的惡鬼逼退。一篇Tī鼓山民學校舉辦ê旗山長中同學會獎勵講道，用：〈現世恩與基督教〉為題kap逐家勉勵，期待同學tī國家、社會、地方服務，tio̍h ē記得tī學tio̍h ê基督ê精神kap基督教ê真理，hō͘所做ê事得兩全其美ê效益，hō͘逐家lóng歡喜，hō͘神歡喜。另外，有6講用代祈禱為主題ê講章，題目有：〈代祈禱之事（Ⅰ）〉；〈God要人同心合作〉；〈God意願受人ê限制〉；〈擔在肩頭，放在胸前〉；〈停止代求是得罪主〉；〈信仰生活ê中央〉；〈祈禱ê事，有問有答〉，代求講起祈禱ê順序有讚美、感謝、認罪kap懇求，替人求ê祈禱是合tī上帝旨意koh有效力，教示信徒tio̍h祈禱，若無，聖神保惠師就無同在，信徒tio̍h日日祈禱kap代求，十分、五分lóng好，將代求看做責任khǹg tī心，人若停止祈禱kap代求是得罪主，惹主受氣。（文/Bo̍k ilī）