Chit份資料是李傳牧師tī永康教會所寫ê講道筆記手稿11篇，其中有7講是teh釋論摩西十誡：〈麼（摩）西十條[誡]研究（第一講）〉～〈モーセ（摩西）十誡研究（Ⅶ）〉，代先對十條誡ê歷史背景做紹介kap說明，起源tī1445年以色列到西乃山kap耶和華所結約ê誡命，hō͘ in有堅固ê憲法，訓練以色列人ê民族魂；koh講第一誡是冠十誡ê頭序，所講ê「我」是指有絕對能力、智慧teh管宇宙萬物ê上主，耶和華講「我乃自有」就是：I am that I am，我是你 ê上帝，上帝是救世人脫出烏暗koh充滿恩典ê。第三講所講十條誡，分2段，第一段所表明ê是對上帝ê義務，第二段是對人ê義務。第四講就是對第一條誡開始做析論，到第七講是teh講第五條誡，對父母ê義務，家庭當中父母是最大，又koh家庭是社會ê基礎，所以當然tio̍h尊敬父母。（文/Bo̍k ilī）