Chit份資料ê內容是針對聖經舊約ê部份運用大事紀方式設計問題，進行聖經ê研讀，hō͘ 信徒thang照次排列舊約所記chē-chē項要緊ê事；記事排列是對耶穌基督出世進前大約2500年前開始，用500年做1ê階段，劃做「彎kiong門」ê形；Ta̍k章ê彎kiong門內底列出重點關鍵字ê縮寫，koh tī ta̍k章ê上頭前ē說明所列ê縮寫註釋；內文分做6章，第一章有2課，範圍是有關亞當、夏娃、以諾、挪亞相關記事ê問題；第二章有4課，主要人物亞伯拉罕、以撒、雅各、約瑟等相關ê記事，條列出問題；第3章所條列ê是以色列族tī埃及ê相關記事ê問題；第4章有6課，是關係摩西、約書亞、基甸、掃羅王ê記事ê問題；第5章有7課，有關大衛、所羅門、以色列國、猶大國、以利亞、以賽亞、但以理相關記事ê問題；第6章有5課，提問以斯帖、以斯拉、尼希米、瑪拉基、舊約聖經ê問題；Ta̍k課ê問題tio̍h深讀聖經kap參考問題後面聖經章節ê提示，chiah khah好理解，án-ne來提供信徒研讀舊約聖經ê參考kap輔助。（文/Bo̍k ilī）