Chit份資料ê內容是日本福音長老教會ê東京高田馬場台語基督教會創立五週年ê紀念誌，siāng時也是為牧師娘鍾高碧雲姊妹所做ê追思特輯，其中有2部照片集：〈写真（一）：本教会一年の步み〉〈鍾牧師夫人在日十年間 ありし日のおもかげ〉，回顧教會活動記錄kap鍾牧師娘tī日本10冬ê教會生活。Koh來是教會創立五週年ê紀念誌部分，有鍾子時〈回顧与前進〉，內文是鍾牧師用4句一節ê詩詞，來做教會歷史ê簡介，特別講過去一年ê回顧，對中會通過昇格堂會、聘牧、法人申請、chhōe適合做教會聚會場所ê建物、禮拜堂ê擴建等ê事工，以及聖殿定tio̍h了後，教會發展ê展望kap期待；後面是教會行事報告，〈本教会一年間主要行事〉；鍾子時〈高田馬場台語教会第一種教伝に昇格—第一代牧師に就任して〉，記寫Takadanobaba台語教會昇格堂會kap第一任牧師就任ê；鍾子時〈高田馬場台語教会会常拡張と牧師館移転〉，有關教會擴建ê記事；吉田銘惠〈神の摂理．奇跡だ！ （ヤドカリ教会苦労の卷）〉，買禮拜聚會場所來脫離寄kha辛苦ê日子kap經過；陳淳正〈THE MOST〉，條列上第一ê雜文。後面是牧師娘鍾高碧雲姊妹所做ê追思特輯，有〈鍾子時牧師夫人故鍾高碧雲の略歴〉；故人主治医師：佐々木宏明，〈走ゐべき道程を走りつくしこ　—　故鍾高碧雲姉を偲んご〉；中会通信より転載，〈鍾子時牧師夫人鍾高碧雲姉のご逝去〉。追思特輯koh有分做本葬（一九八三、一、二九）記事、密葬 （一九八三、一、四）記事、高田馬場台語教会員追悼文集kap遺稿集等4部份。最後是建堂會計報告。（文/Bo̍k ilī）