Chit份資料ê內容原著是Oswald J. Smith博士《TEH MAN GOD USES》ê台譯本，teh講上帝所beh用ê人án-chóaⁿ 準備ka-kī。內文lóng總有19章，上帝所beh用ê人tio̍h ài做kàu：1.做傳道者tio̍h 清楚人類極其敗壞，傳講人若無重頭生就是撒旦ê囝兒，只有屬上帝，上帝chiah ē救伊；2.Tio̍h認bat上帝救恩chiâu-chn̂g；3.Tio̍h獻身tī偉大ê目標，全所有奉獻、順服，án-ne，上帝beh為tio̍h伊ê榮光kap尊貴來用你，你傳道ê工也ē成功；4.除去生活中所有ê塞礙，tio̍h hō͘上帝鑑察你、試驗你，顯明你ê罪，來認罪、反悔，清氣tī上帝面前，hō͘祝福你ê工作；5.將本身完全交hō͘上帝隨時thang用，完全降服，伊就為tio̍h伊ê榮光beh用你；6.得勝ê祈禱：見若上帝所用ê人，是ē-hiáu祈禱ê人；7. 上帝講ê話chiah有權能，傳道ê工是充滿上帝ê話ê職務；8.Tio̍h傳有活命ê道理；9.Tio̍h有聖神ê油kā咱抹，tī伊面前等候對頂面來ê權能，chiâⁿ做屬主ê人；10.Tio̍h有信心期待等候；11.Tio̍h完全致意tī上帝ê榮光：求上帝幫贊，hō͘你照án-ne去實現，上帝愛beh用你，伊祝福你ê工作，你若愛chiâⁿ做上帝所beh用ê人，tio̍h除去chiah ê阻礙。拯救靈魂是教會重要ê工作，上帝所用ê工人，tio̍h ē-hiáu祈禱來得tio̍h上帝賜福，hō͘上帝tī你ê事奉中得tio̍h榮耀。（文/Bo̍k ilī）