Chit份資料ê內容，頭前是Chiam Thiam-bo̍k（詹添木）〈Thang〉，「thang」是正面，「m̄-thang」是反面，宛然親像「是」kap「m̄是」，白kap烏，抑是光kap暗sāng款，tī巡視各教會所屬ê團契kap in座談討論幾ê thang kap m̄-thang ê問題：虎尾教會座談，問會外ê青年男女 thang m̄-thang加入團契。Tī菁寮T. K. C.座談會，團契thang積極進入社會為社會服務thang m̄-thang。朴子教會T. K. C.座談會所發出ê問題是tī beh睏進前kap清早起床ê時，穿睏衫祈禱thang 抑m̄-thang。Koh來是日文書寫ê文章，H. P. H.〈祈禱〉，本文是對タルムード（《塔木德》（希伯来文：תלמוד‎，Talmud，是教導或是學習ê意思））經典所摘譯關係祈禱ê名言錄。繼續是1篇中文書寫ê讀經釋義，盧秀賢〈上帝的義〉，對羅馬書第一章16節～17節，對經文ê理解kap釋義。接sòa koh 1篇日文ê文章，C記〈船長の娘〉，1隻tú-tio̍h大風浪ê船，船頂1 ê tú睏醒ê cha-bó͘囡仔看見兇強ê風浪，驚惶teh追問：船長tī tó-ūi？船員指向船長室講，船長tī hia，看見老pē tī船長室，伊就心有平安無驚惶。後面是新聞：各教會消息13條。最後koh 1篇日文書寫ê文章，〈追憶〉（文藝部寄），tī清爽落雨ê10月時，作者想起伊tī熱--人ê時去聽音樂會ê代誌。（文/Bo̍k ilī, Phoaⁿ Siù-liân）