Chit份資料ê內容，頭前是教理講解，Lōa Phek-ian〈做先知傳道〉（II）（接上號），chit期講ê有：(2) Tio̍h用疼人ê靈魂ê心，來幫贊傳教者對外ê工kap (3)Tio̍h求傳道ê恩賜。Koh來ê消息有：北港（小）區例會kap鹽水（小）區例會。今年新ê團契出世tī雲林Lêng-nâ，雖罔場所偏僻、教會細間、人額少，總是精神旺盛，信仰khiā在，大saⁿ疼，互相扶助koh gâu為主做工。又koh聽見講Nâ-lāi（林內）教會T. K. C.最近beh成立。另外，tī咱嘉義中會，iáu Lo̍k-boán（鹿滿），Kong-hôa（光華）， Pò͘-tē（布袋），Táu-lâm（斗南），Giâm-chêng（岩前）， Koan-á-niá（關仔嶺），Kòe-kau（過溝），chiah ê教會iáu-bōe成立團契。後面是，總會T. K. C.第二屆指導者春令會決定tī 41年正月28~31日召開。Koh 有，主筆個人ê消息通報。接sòa是「 Hia khioh, Chia khioh」專欄，koh來khioh-khioh看，有文章2篇：〈牧師ê滋味〉，1 ê智識ê牧師，到南太平洋1座食人肉ê野蠻人所khiā起ê島嶼beh傳道，牧師用計智hō͘野蠻人感覺牧師ê肉足pháiⁿ食，無好滋味；自án-ni，牧師平安tī-hia傳道50年。〈笑ê功效〉，1位婦人人總是面帶笑容對人講平安，引起收票員ê注意kap好奇，後來知影婦人人是對聖經來得到平安kap快樂，伊也去買來讀，現在也常常面是笑容心是快樂。最後是Chiam Thiam-bo̍k（詹添木）ê編輯後記。（文/Bo̍k ilī）