Chit份資料ê內容是英國長老會派來台灣ê 1位宗教教育專家「白勵志」姑娘所編寫ê主日學教材，chit本是第2本，主要是針對6歲—8歲ê主日學學生，內容是照學生成長ê心理te̍k能力來進行設計編輯ê，lóng 總有52課，tú好1冬ê額，chit ê教材主要目的是beh提供做主日學教員ê教師有材料thang教示6~8歲初等科ê兒童，算做是1本教師手冊；所以，內文有講tio̍h教員beh上課進前預備材料ê法度，運用圖做教材ê方法，故事講了了後ê活動設計，配合課程故事ê中心思想所編寫ê新詩，主日學課程進行中ê宗教崇拜，初等主日學崇拜ê秩序，以及主日學教室ê佈置。作者對兒童ê宗教教育真有經驗kap趣味，本文所提供主日學tī組織、教授法、教材ê設計、編輯等，觀念新，內容豐富koh趣味，對台灣教會有真大ê幫贊，也hō͘主日學教學大進步。（文/Bo̍k ilī）