Chit份資料ê內容有：Chiu Kim-iāu（周金耀）〈同心合意，興旺福音〉，本文是擔任總會議長ê周金耀牧師tī第十五屆總會通常議會ê禮拜講道（英助筆記）。接tī後面ê是來賓ê致辭。Koh來是〈N̂g Chiong-hui（黃彰輝）牧師ê請安〉，是黃牧師為tio̍h chit屆總會ê會議對海外寄來ê請安批。Sòa接是紹介新ê宣教師〈新ê宣教師受大家歡迎〉。後面是訪談記錄，Tō͘ Eng-chō͘ （杜英助）〈更新！復興！傳全部福音！〉，記錄kap新任議長N̂g Ka-sēng（黃加盛）牧師ê訪談記，黃牧師講為tio̍h推行新宣，咱需要4 ê更新，就是：1.神學教育ê更新、2.宣教方法ê更新、3.山地教會ê強化kap更新、4.總會教務ê更新；對chit 4- ê更新來達到：台灣教會ê復興、神學ê復興、社會ê復興；koh若beh完成chitê工作，咱的確tio̍h做到：「動員全部基督徒、向全部社會階層、傳全部福音」ê地步。後面有Tân Thiam-teng（陳添登）記錄〈第十五屆總會消息〉。中文書寫ê事工方策〈新世紀宣教運動今年度山地事工方策〉。陳俊德，〈議場點滴〉。Kap〈總會銓衡委員〉，銓衡各部會ê委員名單。最後，有1篇教理信仰ê文章，Iûⁿ Sū-ióng（楊士養）〈新ê靈力〉。接落去是各地ê請安。其他，對22～29頁是各教會機關消息、公告kap啟事。另外第1、2、31～36頁是新聞圖片。（文/Bo̍k ilī）