Chit份資料ê內容有：Pu̍t-lâi-khek（勃來克）〈普世教協總幹事來函〉（中文版）kap 〈Phó͘-sè Kàu-hōe Hia̍p-hōe Chóng-kàn-sū ê phoe（普世教會協會總幹事ê批）〉，全白話字版。Lí Ka-siong（李嘉嵩）〈普世教協保證反共立場〉，針對普世教會協會總幹事ê批koh補筆。接落去ê文章有Khó͘ Hui-sè（許輝世）〈有活命ê體〉，信仰教理。Chiúⁿ Tiong-san（蔣中山）著，Chiu Siok-hūi 譯〈破病ê善用〉，人認為破病是災禍！無人愛求災禍，一旦破病chiâⁿ做災禍臨到咱身上ê時咱beh cháiⁿ-iūⁿ？I-pek-té-to-su (Epictetus) tī伊ê語錄án-ni講：「破病雖然是身體ê阻礙，若無掛意，就m̄是意志ê阻礙；比如「pái跤是跤ê 阻礙」；Tio̍h用chit-ê觀念去應付一切臨到你身上ê事，án-ni，你就beh發見所發生ê事，m̄-nā bōe阻礙你，反轉常常ē tòa意外ê幫贊來」；Che就是破病ê善用。Koh來是每月選讀ê經文，So͘ Thian-bêng（蘇天明）〈每日ê默想〉。Sòa接是連載趙天慈ê自傳，Chhit kiú só͘（七九叟）〈回憶〉（28），本文繼續講tio̍h Gô͘ Kèng-chhiu（吳鏡秋）先生，接tī後面ê標題單元是「Tiúⁿ Tiong （長中）cháiⁿ-iūⁿ無得tio̍h升學資格？」、「Tiúⁿ Tiong （長中）ê宗教教育效果」；文末有訂正1010期3位所在。後面是本報記者所記錄〈S.S.（主日學）教員靈修會歷訪記〉。其他，對21~ 26頁是各地教會機關消息、啟事、公告kap通知。上尾是本社消息2條：1.本社社務改進研討會kap 2.本社人事異動。（文/Bo̍k ilī）