Chit份資料ê內容有：公告，Lêng-bo̍k Chèng-kiú（鈴木正久）〈日本教團告白戰爭ê責任〉，chit篇作者是當年任日本基督教團總會議長鈴木正久，本文是日本教團對戰爭責任ê告白文。講壇，Chhòa Phòng（蔡椪）〈聖神降臨節〉，主要是為tio̍h五月第二主日聖神降臨節所寫ê文章。靈修， So͘ Thian-bêng（蘇天明）〈每日ê默想〉，每月選讀ê查經經文。Sòa接是連載趙天慈ê自傳，Chhit kiú só͘（七九叟）〈回憶〉（22），接頂期，未完 Chū-toān: Hôe-ek (22)，文末改正啟事2條。Le̍k-sū: 歷史，Koa Siat-kai（柯設偕）〈北部教會初代牧師kap長老ê年表〉。研究，Niû Kú-têng（梁舉廷）〈台灣民間宗教中ê傳說〉，本文主要teh講起冬節ê民間風俗，有：1.祭冬、2.做菜包、3. So圓仔、4.Hióng-hò͘ⁿ（響耗）、5.添歲等chit幾項，紹介ta̍k項風俗ê由來。其他，koh有見證文1篇，Si Sûn-bí〈Chai-iáⁿ破病bōe好以後〉，1 ê細囝染tio̍h不治ê病症以後ê媠ê見證。第18、19頁，Siàu念故人2篇，第一篇：Tang-kiaⁿ Tâi-gú kàu-hōe（東京台語教會）〈故汪培英牧師娘ê訃音〉，汪培英牧師娘Gô͘ Siōng-ài（吳上愛），是吳葛（傳道）ê長女。第二篇：Tân Êng-si〈故郭水龍牧師娘ê略歷〉，牧師娘Tân Pin-kheng（陳彬卿）是Tân Êng-hui（陳榮輝）牧師ê第三千金。另外，對第6、9～20頁有訂正1條，綜合消息、通訊：有海外消息報告、總會各機關、部會、各中會、教會公告和綜合消息，以及廣告。上尾頁是消息、活動ê相片。（文/Bo̍k ilī）