Chit份資料ê內容有：祝詞，Lâu Chú-an téng（劉主安等）〈祝公報發行1000號感言〉，其他發表感言ê koh有Iûⁿ Thian-hô（楊天河）、Tīⁿ Jî-gio̍k（鄭兒玉）、Ko Chùn-bêng（高俊明）kap Lâu Chìn-kî。其他ê文章有：專論，Úi Lé-sùn（韋禮遜）〈基督徒kap政治〉，講起基督徒tio̍h反省，kiám-chhái tī教會中，有人過頭衝動領受in ê權柄，soah bōe記得負起hit-ê責任，致使in ê政治方策chiâⁿ做無負責任te̍k ê，也ē發生真大ê問題。聖經有講：「治理ê，tio̍h用殷勤」，因為上帝賞賜人hō͘ in有治理ê恩賜，lóng是為tio̍h beh利益人，促進教會抑是政府等ê順序kap和平。咱bōe用得探取完全m̄-chhap政治ê態度，反轉tio̍h 用積極te̍k ê態度，參加tī會利益咱ê教會，抑是社會ê政治工作，來實行聖經ê教示。感言，Tân Kim-jiân（陳金然）〈公報1000號感言〉。平信徒造就講座，Chan Siù-hōng（曾秀鳳）〈Beh cháiⁿ-iūⁿ參加教會祈禱會〉，參加祈禱會ê心態tio̍h感謝、tio̍h認罪、tio̍h聽主ê聲、謙卑求聖神、祈禱tio̍h同心迫切。靈修，每月選讀經文： So͘ Thian-bêng（蘇天明）〈每日ê默想〉。自傳，Chhit kiú só͘（七九叟）〈回憶〉（XVII）， sòa接頂期（XVI）「東門教會ê回顧」ê單元後半部；了後，接落去ê單元是「京都讀冊」。報告，Toh Sìn-tek（卓信得）〈1966年山地教會ê報告〉。最後，18～20頁是消息通訊，有總會、各中會、各地方教會公告、消息kap廣告。（文/Bo̍k ilī）