Chit份資料ê內容有：重要公告2條，〈本報ê重要啟事〉：台灣教會公報tī 82年前6月創刊，每月發行1次。到1942年4月受日本政府命令停刊，到1945年ê年尾koh復刊，到1962年就改做每月發行2次，án-ni tī後期足足1000號lah；為tio̍hán-ni，後期ē出大本做紀念特刊，sòa將國文版ê“Êng-kong”（瀛光） 2月上期207號合tī公報1000號nih，請瀛光ê讀者諒解，也請眾讀者期待。Lâu Chú-an（劉主安）〈長榮女學創立80週年〉。接落去ê文章有：專論， Bí Ui-liâm （William Rice）〈經濟繁榮kap台灣教會ê責任〉，作者是美南差會派tī咱教會專門負擔會計工作ê宣教師，Bí Ui-liâm先生極力提倡「管家ê精神」，呼召信徒tio̍h發揮聖經所講ê「管家ê精神」，大ǹg望全教會lóng有chit款ê檢討kap奮發。Koh來是Tiō Thian-chû（趙天慈）ê自傳，Chhit kiú só͘（七九叟）〈回憶〉（16），sòa接頂期，本文ê小單元有： 嘉義大地動、東門教會ê回顧。靈修，每月選讀經文： So͘ Thian-bêng（蘇天明）〈每日ê默想〉。報告，Tiuⁿ Khun-oán（張崑遠）〈日本教會參觀旅行記〉（下），tī東京有kap Gô͘ Siông-lîn兄（就是吳天賜牧師ê囝）做伙去參觀真chē所在：明治神宮、東京塔、宮城、上野公園、羽田機場ê夜景，也有去看日神大、鶴川學院、鎌倉、江島、橫濱等等所在。另外，也去探訪、關心tī橫濱1間台灣僑民ka-kī建立ê 1間教會。離開東京koh去名古屋kap大阪等所在，chit-pái去日本除去考察日本教會，包括in ê教會事業ê情形、代表咱總會赴日基教團2 ê會以外，也有去beh探訪大阪、神戶、京都、東京等所在ê同工。最後，13～19頁是消息通訊，有總會、各機關部會、各中會、教會公告、消息kap廣告。（文/Bo̍k ilī）