Chit份資料ê內容有：講座，Iâu Chèng-tō（姚正道）〈信徒tio̍h cháiⁿ-iūⁿ奉獻〉。報告，Tiuⁿ Khun-oán（張崑遠）〈日本教會參觀旅行記〉，代先經過麻煩ê手續，chiah踏tio̍h日本ê地，koh說明chit次去日本ê目的；行程有去赴教傳總會kap北海道ê考察、參觀奧中山訓練中心、看平信徒訓練中心，koh去東京看台語教會，看見基督徒友誼ê果子(待續)。查經講壇， Chiā Liông-hui（謝隆輝）〈魔鬼害人ê方法〉，對聖經路加福音書thang看tio̍h 7款魔鬼陷害咱，主ê學生ê方法：I.貪財；II.嫉妒ê相爭（本期未完，待續）。自傳，Chhit kiú só͘（七九叟）〈回憶〉（XV）， sòa接頂期小單元有：「新樓teh hoah-lê-long （競賣=拍賣）」、「Tòa竹山教會」、「補記：Kelvin William Thomson Baron (1824—1907)」。靈修，每月選讀經文： Iûⁿ Sū-ióng（楊士養）〈每日ê默想〉。接落去是人物評，Iûⁿ Hûn-liông（楊雲龍）〈我所siàu念信仰上ê師友〉本文所記是Ko Chài-tek（高再得）先生，是台南市出名ê醫師，hō͘作者siàu念ê kiâⁿ做：Tī社會有顯出基督徒ê光，高先生待人真有友情，也gâu體貼sòng-hiong艱苦人，又koh熱心殷勤服事主，m̄-nā獻身、獻心koh獻囝兒，獻高俊明牧師做主ê工。其他，第7頁公告：「公募鶴川學院保育科奬學金志望者」。最後第16～19頁是消息通訊，有世界消息、總會、各機關部會、各中會、教會公告、消息kap廣告。上尾是台東Kēng-seng教會kap高中、屏中女宣ê相片。（文/Bo̍k ilī）