Chit份資料ê內容有：專論，Chiu Kim-iāu（周金耀）〈1967年ê目標〉，有講起新世紀宣教ê主旨，用多樣性ê宣教方策、全教會總動員奮志來負起新世紀宣教ê使命，發展所繼承教會新ê事工；主題有：1.Hō͘聖徒齊備kap 2.來做差用ê工；宣教事工分做第一年：祈禱，準備、訓練（1967年）；第二年：山地宣教（1968年）；第三年：農村傳道（1969年）；第四年：都市kap工業傳道（1970年）；第五年：海外宣教（1971年）。講座，Tân Kim-jiân（陳金然）〈對別教派ê態度〉，對平信徒造就講座第四講。 查經，每月選讀經文：Iûⁿ Sū-ióng（楊士養）〈每日ê默想〉。自傳，Chhit kiú só͘（七九叟）〈回憶〉（XIV）， sòa接頂期單元：我入大學ê部分：講起校長kap先生，作者讀大學4年，換2 pái校長，前2年是宋忠堅牧師，後2年是巴克禮牧師，以及回想其他ê教學先生；另外koh有幾ê小單元：好ê朋友離別去lah！、網球埕、參觀封立牧師。後面是編輯室介紹〈台南特種皮膚診所〉，主要teh介紹Nāi-pīⁿ（癩病）（大痳瘋）、台南診所ê起源、創辦者Tēng Lō͘-tek（鄧璐德）姑娘，現是ê林太太（林澄輝ê太太）、治療工作ê進展以及咱beh cháiⁿ-iūⁿ kā in協助。Koh 來是Tân Chhong-hoat（陳滄發）、Chiong Chú-lâm〈日本訓練記〉，受派去tī日本參加訓練會6個月ê報告。後面第14～20頁是各中會、教會公告和消息，以及廣告，上尾是活動、消息ê相片。（文/Bo̍k ilī）