Chit份資料ê內容有：中心信息，Sèng-keng kong-hōe（聖經公會）〈上帝ê話tī新時代〉，為聖經公會紀念主日ê報告。平信徒ê講座，Tiuⁿ Khun-oán（張崑遠）〈做信徒若無tng長執是無成功抑m̄是？〉，信徒ê的成功m̄是在tī做頭、坐大位、掌大權，是做1 ê上帝天pē所歡喜ê囝兒，盡本份做盡忠ê奴僕、女婢、好ê管家，處事設法工程，雖罔無做長老抑是執事，也是成功ê基督徒。靈修，每月選讀經文：Iûⁿ Sū-ióng（楊士養）〈每日ê默想〉。自傳，Chhit pat só͘（七八叟）〈回憶〉（XII）， sòa接頂期少青年時代部分ê小單元5.老師，tī本文講：4）Lîm Siông-hûn先生、5）Tiâu-ki（廖朝基）兄、6）Chíⁿ嬸、7）新樓ê由來。人物評論，Iûⁿ Hûn-liông（楊雲龍）〈我所siàu念信仰上ê師友〉，本文作者所siàu念ê先生是老蘭醫生，老蘭醫生真謙卑，也真尊重人ê人格，伊ê待人接物，hō͘人感覺有溫柔、有疼心koh有禮貌，伊疼病人ê身體當做ka-kī ê身體，m̄-nā醫術出名koh實行主ê教示，pē囝相sòa接來台投入醫療事工，對傳道界、醫學界thang講是台灣ê恩人。研究，Niû Kú-têng（梁舉廷）〈台灣民間宗教中ê傳說〉（接前號），chit期所講ê有：看風水ê人去看（就是前期講ê石燭）、傳說傳到平地、重陽ê傳說、重陽節ê由來、咱信徒應有ê認識等小單元。最後第14～20、15頁是聖誕ê特賣、綜合消息，有各機關、部會、各中會、教會公告和消息。畫報：排灣教會20週年活動相片。（文/Bo̍k ilī）