Chit份資料ê內容有：Chan Siù-hōng（曾秀鳳）〈長老ê任務〉。Iûⁿ Sū-ióng（楊士養）〈每日ê默想〉。Mûi Ka-liân（梅佳蓮）〈聖詩作者ê介紹〉，介紹3首聖詩：聖詩435首對Clement of Alexandria（150?—220?）所著ê冊中間提出來ê，曲是Austin C. Lovelace（1919—?）做ê；聖詩438首是Walter J. Mathams（1851?—1931）所做ê，作曲者是George Job Elver（1816—1893）；聖詩440首是John Burton（1803—1877）所寫。Chhit pat só͘（七八叟）〈回憶〉（V），本文講到：3.我染tio̍h niáu-chhú症（Pest百死毒）、4.我所讀ê Sió-o̍h（小學）、5.盲校kap最初ê留學生，1896年甘為霖牧師歇假ê時有去日本渡假sòa參觀in ê盲啞學校，tńg來台灣就選出：Chhî Chhú-un、Chhòa Chhun、Tân khoe 3名，hō͘ in去東京盲啞學校讀冊kap訓練盲人thang做ê te̍k-ki（特技），親像àn-mô͘（按摩）、chiam-chià等ê khang-khè，siāng時也揀2位女子， Gô͘ Chhiò kap N̂g Eng 去 Châu-ah Ko-téng lú ha̍k-hāu (巢鴨高等女學校)讀冊。後面是〈家庭設計ê意見調查〉（II），現在有chōe-chōe款節育ê方法，大概分做2部分，第I. Te̍k-iá法，就是每月算時日來施行禁慾kap節育兼用。第II款懷孕前閃避懷孕，親像（1）陰道外射精。（2）避孕套。（3）子宮帽。（4）子宮環。（5）食藥仔。（6）用藥仔洗。（7）婦人人縛輸卵管。（8）Ta-po͘人縛輸精管。小說，Teng Êng-lîm（丁榮林）〈活命ê火把〉（接頂期），1 ê傳道先生幫助1位患小兒麻痺症來失心絕望ê少女，建造自信kap勇氣，koh巧妙將福音傳hō͘ in ê故事。另外，有消息：〈考tio̍h狀元ê Tân Ek-liân〉。Lîm Chiàu（林照）〈故林蕭勤ê略傳〉，本文就是林照牧師娘ê略歷。後面是見證文章：Siau Sūi-an（蕭瑞安）〈見證：詩篇103篇1—2節kap我〉。第17～20頁是各機關、部會、各中會、教會公告、啟事和消息，koh有廣告。（文/Bo̍k ilī）