Chit份資料ê內容有：本報記者〈長榮中學董事會新陣容〉，其中，新董事長 Gô͘ Ki-hok（吳基福）博士、校長 Tè Bêng-hok（戴明福）先生。T. C. L.〈重價ê恩典〉，咱tio̍h時常提醒ka-kī，主耶穌ê代價何等ê大，為tio̍h體貼人ê軟弱，捨身救贖，beh hō͘救恩kàu tī全人類，罪人thang主面前受救恩。Iûⁿ Sū-ióng（楊士養）〈每日ê默想〉。Chhit pat só͘（七八叟）〈回憶〉（III），本文前半部份繼續頂期所講ê「麻豆慘殺事件」khah詳細ê頭尾以及對加害者赦免ê心，koh有日後tng伊做教師ê時，tú-tio̍h對麻豆來入學ê學生lóng ē特別招呼in；繼續接tī後面ê單元是：6.〈Lîm Teng-kùi（林登貴）先生kap老pē、小弟〉，林登貴（舊名Io̍k-kî毓奇），老pē Ok叔麻豆教會創設者之一，大虐殺ê時無tō麻豆，後來受揀選tī安醫生（Dr. Petr Anderson）起新樓ê時做記siàu kap監工；毓奇ê小弟Si̍p-á（毓才）kap我平平入中學讀冊，後來有去彰化病院學醫生。文尾有本文頂期訂正啟事2條。論說，Chan Siù-hōng（曾秀鳳）〈基督化家庭〉，做基督徒ê，家庭ài有基督化ê家庭，chiah-ē榮光上帝ê名，教會chiah-ē發展。另外有Băng-gah圖片，〈論家庭計畫〉。 短篇小說，Teng Êng-lîm（丁榮林）〈婚姻ê悲劇〉（下），無仝信仰、無仝價值觀，kan-ta憑一時愛情ê熱度勉強結合ê婚姻所造成ê悲劇。Tāi-khoe〈我所愛講ê見證〉。其他第12、17～20頁是是各機關、部會、各中會、教會公告、啟事kap消息。其中有1條〈可憐ê消息〉，南中新和教會1 ê青年，去khioh銃子殼beh賣pháiⁿ銅舊錫，soah因為銃子爆發意外身亡，因為家庭散赤，請大家tàu救援。（文/Bo̍k ilī）