Chit份資料ê內容有：本報記者〈福音傳遍運動〉，「第二世紀宣教方策ê研究」ê相關報導。Tân Kim-jiân（陳金然）〈以利亞〉，用聖經人物「以利亞」為題ê教理傳達。Chhit pat só͘（七八叟）〈回憶〉（II），本期講ê有：4) 蘭長老，就是關仔嶺教會陳蘭長老kap相關記事，本文koh有提起甘為霖牧師白水受難ê記事；5) 麻豆慘殺事件〉，日軍入台對布袋chhùi登陸，抗日者聽講林學恭傳道kā in chhōa路，所以生出「食教ê通番」ê謠言到處宣傳，pháiⁿ徒án-ni借口thâi人，攻擊教會，將基督徒lóng lia̍h出去刣，基督徒男女總算15名，其他（非基督徒）4名，本文作者ê大兄「趙天恩」也是受難者之一。Iûⁿ Sū-ióng（楊士養）〈每日ê默想〉。Tāi-khoe〈我所愛講ê見證〉，本篇原本是用〈我ê見證〉做題目，tī 3月以前出9篇，真受歡迎，得tio̍h筆者同意，題目做〈我所愛講ê見證〉koh接sòa刊載。Chiā Chài-seng（謝再升）〈新世紀ê覺醒〉。Lo̍h Sian-chhun（駱先春）〈我ê回顧〉（V），chit期講tio̍h ê有：山地教會ê聲kap切實ê問題，需要：1.Khah chōe獎學金、2.Khah充實ê醫院、3.趕緊設學生宿舍、4.Khah chōe宣教師；切實ê問題有3項，請關心、代禱kap奉獻：1.請援助弱小ê山地教會、2. Kap山地教會結姐妹教會、3.平地教會ê山地工作人員ê薪水歸咱平地教會支出。短篇小說，Teng Êng-lîm（丁榮林）〈婚姻ê悲劇〉（上），無仝信仰、無仝價值觀，kan-ta憑一時愛情ê衝動勉強結合ê婚姻所造成ê悲劇。其他第11、17～20是各機關、部會、各中會、教會公告、啟事kap消息。其中有，Hā Ú（夏禹）〈澎湖ê消息〉，報導澎湖各教會概況。（文/Bo̍k ilī）