Chit份資料ê內容有：Toh Sìn-tek（卓信得）〈Tio̍h koh關心無？〉，請繼續為山地教會宣教事工關心、祈禱kap奉獻。本報記者T. C. L. 記〈新世紀宣教運動〉，對研究會旁聽所記ê報導。Iûⁿ Sū-ióng（楊士養）〈每日ê默想〉。Chhit pat só͘（七八叟）〈回憶〉（I），che是本文作者趙天慈70偌年來ê回憶，目的ǹg望thang小可做初代台灣南部教會ê情形ê參考，chit期所講tio̍h ê是： 1.幼年時代、2.埤頭（鳳山）教會kap 3.關仔嶺教會。Niû Kú-têng（梁舉廷）〈台灣民間宗教中ê傳說〉（10），chit期所講ê是第十篇〈結束篇〉後半部，關係偶像崇拜ê幾若項事，對第三開始：3) 是對故事中造出來ê；4) 以外有擬人化，完全kap清朝時代ê官場sio-siāng派頭；5) 迷信佛教對印度傳入中國已經有2千年ê歷史，tī chit中間留hō͘中國人ê只有1項：就是迷信；咱基督徒m̄是beh攻擊in，是beh明白in民間ho̍k-sāi偶像ê內容kap心理，也想盡辦法thang將主耶穌傳hō͘ in，也藉tio̍h in ê不安kap驚惶chhōa in來hō͘主耶穌拯救。Lo̍h Sian-chhun（駱先春）〈我ê回顧〉（IV），chit期講tio̍h ê有：Chhē tiâu外ê羊、飼主ê羊仔囝kap山地ê實情。其他，第13～19頁是各機關、部會、各中會、教會公告、啟事kap消息和廣告。其中有，Hā Ú（夏禹）〈福音傳遍澎湖〉，澎湖各教會概況。15頁是Siau Bêng-chiok（蕭明祝）寫ê〈Kò͘ Chu Tiúⁿ-ló Thian-chìn sió-toān（故朱長老天進小傳）〉。上尾20頁是活動、消息ê相片。（文/Bo̍k ilī）