Chit份資料ê內容有：Tân Sù-tī（陳泗治）〈第二世紀應有ê教育政策〉，本文是身為校長ê陳牧師為總會所定6月12日淡江中學紀念主日所寫ê文章。Iûⁿ Sū-ióng（楊士養）〈每日ê默想〉。Lo̍h Sina-chhun（駱先春）〈我ê回顧〉（III）（接980號），用幾ê小主題：「信仰ê稱贊、聖詩ê工作、牧會kap教學、 暗中有光、光復ê歡喜、物質上ê安慰、精神上ê不安、基督ê疼催迫我」做單元來回顧。Niû Kú-têng（梁舉廷）〈台灣民間宗教中ê傳說〉（9），chit期所講ê是：〈2 ê已經失落去ê小迷信〉，台灣史槎錄所記，台灣民間若kàu元宵暝有「Thau-chhiⁿ（偷青）」ê風俗，另外koh 1 ê是「Thiaⁿ-hiu（聽香）」，chit 2 ê小迷信已經失落去。後面接本主題ê第十篇〈結束篇〉，主要teh回顧bat saⁿ-kap想ê民間傳說有：(1)大道公kap媽祖ê戀愛史。(2)媽祖婆ê傳說. (3)大道公ê傳說，也稱做保生大帝。 (4) 五府千歲ê傳說，俗稱王爺。(5) 福德正神ê傳說，俗稱土地公。 (6)論灶君ê傳說。 (7)論擬人化ê偶象崇拜，其中有郭聖王chhōa bó͘，kap 天公出告示，以及神明官場ê派頭。(8)另外koh有幾ê迷信ê小風俗，親像放營，普渡、放水燈等。最後有2 ê已經失落ê小迷信。Taⁿ對以上所講ê，咱thang知關係偶像崇拜ê幾若項事： 偶像是物質te̍k ê；偶像是對人ê理想中造出來ê（待續）。其他，第6、11、12～18頁是各機關、部會、各中會、教會公告、啟事kap消息，以及公報社廣告。其中有：Lîm Chiàu（林照）〈澎宣紀念日〉，澎湖宣教80週年（1886.6.6）活動kap事工報導。Koh 1篇〈馬公教會消息〉。另外koh有故人消息：Lô͘ Bān-tit（盧萬得）寫〈故Lîm Tiúⁿ-ló Tiâu-khiân（林長老朝乾）小傳〉、Siau Bêng-chiok（蕭明祝）報〈故Khó͘ Bín（許敏）長老娘小傳〉。上尾19～20頁是活動、消息ê相片以及頂期有介紹「好聽ê歌」ê歌譜廣告。（文/Bo̍k ilī）