Chit份資料ê內容有：Lâu Chú-an（劉主安）〈長榮女學ê紀念日〉。Sòng Choân-sēng（宋泉盛）〈對第十三屆總會ê ǹg望〉，迫切祈禱，願合一疼痛ê聖神tiàm-tī每一位議員ê內心，支派in ê行動，約束in ê言論，願咱長老教會永遠是服從基督疼痛伊教示、體貼伊心意ê教會；長老教會tī chit第二世紀是m̄是ē-thang chiâⁿ上帝所交代伊ê歷史ê使命，真大部份kài在tī本屆ê總會，對án-ni，眾議員ê關心應該集中tī chhōe出全共同ê計畫，hō͘台灣ê信徒有1 ê明確指針，thang踏入tī第二世紀ê新天、新地；tī重大ê關頭，每1位議員tio̍h放下區域性ê利害觀點、地方性ê生存問題，以及個人te̍k無正常ê心理因素，來成全全體教會，hō͘台灣教會實質te̍k表現上帝kap世間koh和ê疼痛，做人ê事實；Tio̍h àiē記得一項：M̄-thang試探上帝無限ê赦免ê恩典；M̄-thang忽略bōe記chit項：歷史ê審判是無偏見ê，是嚴格ê；Tio̍h再三反覆深思保羅所講ê話：「基督tháu-pàng咱做自由，所以lín tio̍h khiā在，bo̍h得koh降服tī做奴才ê taⁿ 」。Tân Thiam-teng（陳添登）〈Án-chóaⁿ hō͘基督ê光對家庭中照出來〉，Hō͘基督ê光自然流露ê法度有：a) 家庭聚會，暗頓了後短短10分鐘，無過頭嚴肅ê家庭禮拜。b) 家庭行事：婚喪喜慶改用基督教式，注重基督重大節日。c) 家庭環境：厝內外清靜美麗；若有優雅ê心才有優雅ê家庭生活。d) 家庭經濟：教會m̄-thang kan-ta重靈性，tio̍h輔導貧困ê家庭ē自立，基督ê光就beh對家庭照出來。Chiu Kim-iāu（周金耀）〈得tio̍h好ê份額〉，教理傳傳。Niû Kú-têng（梁舉廷）〈台灣民間宗教中ê傳說〉（3），關係大道公ê傳說kap保生大帝ê由來。Iûⁿ Sū-ióng（楊士養）〈每日ê默想〉。 Si̍p-sūi-seng（拾穗生）《Khioh麥穗》（第7期），本期有：讀經、〈Chia有3項第一好〉、醫事衛生：〈「性格kap食物」〉、〈（Chhiò ōe kóe bô-phōaⁿ）笑會解無伴〉、智識、訂正1條。Chhòa Phòng（蔡椪）〈信徒ê特殊環境：Tī憂傷ê時〉。Lâu Bêng-iông 〈我ê見證〉。Kè-hô-chut譯〈疼ê順服〉（續）。其他第3、8、17、21～24頁是各機關、部會、各中會、教會公告kap消息。（文/Bo̍k ilī）