Chit份資料ê內容有：〈新年祈禱週〉，總題目：「Saⁿ-kap進入第二世紀」，分做6日ê讀經、感謝、認罪、祈禱。Tiuⁿ Hông-chhiong（張逢昌）〈回顧kap展望〉。Tiuⁿ Khun-oán（張崑遠）〈一年之季在於春：「熟熟知知」ê事〉，有關一年之季在於ê必要性kap重要性，咱lóng真知，也真熟，總是tio̍h有計畫、決心、忍耐去實行；另外，基督徒koh有1項要緊ê階段，就是懇切祈禱ê生活，祈禱ê力量，是交陪聖神、倚靠主來得tio̍h，祈禱是咱基督徒力量ê根源，mā是咱ê本份kap特權，所以tio̍h kā祈禱溶化tī咱ê生活ta̍k項當中。Tân Hūi-chhiong（陳惠昌）〈對puh新íⁿ穎講起〉。Tân Ēng-si〈我ê信仰體驗〉，信仰是對上帝來ê，所以基督徒ê信仰對象是信上帝，m̄是拜牧師，又koh基督徒ê信仰絕對m̄-thang歇睏。Iûⁿ Sū-ióng （楊士養）〈每日ê默想〉，提供每週讀經kap默想。Chan Siù-hōng（曾秀鳯）〈出發ê頭一步〉，基督徒m̄是為ka-kī來活，是為主來活。Niû Kú-têng（梁舉廷）〈台灣民間宗教中ê傳說〉，chit期講tio̍h「關係大道公kap媽祖婆ê戀愛史」。Bō͘-hôa-un〈東部山地教會訪問記〉（續），接頂期。 Si̍p-sūi-seng（拾穗生）《Khioh麥穗》（第4 (5)期），本期紹介今年靈修ê冊。上尾第22～24頁是各中會消息kap屏東日光塚省墓會公告。（文/Bo̍k ilī）