Chit份資料ê內容有：Lîm Chong-iàu（林宗要）〈農村傳道委員會ê批：向都市教會〉: Tī感謝節，用感恩ê來tàu關心、奉獻tī農村傳道ê工作，che是真有意義、有價值。Lâu Hôa-gī（劉華義）〈向農村教會〉，感謝節咱應該舉行感謝特別禮拜，感恩是咱信仰ê表現；咱提土產來獻hō͘主，表明咱ê心，是感謝kap信靠主。Khó͘ Bêng-chiau（許明昭）〈東海大學ê近況kap新工作—為東海紀念主日寫〉。感恩節相關koh有文章7篇：Lâu Hôa-gī（劉華義）〈現在感恩節ê由來〉。Phîⁿ Chēng-siok（彭靜淑）〈我tī外國所體驗tio̍h ê感恩〉，作者tī 1961-1963去美國深造ê時，所tú-gū thang感恩ê經驗分享。Lo̍h Sian-chhun（駱先春）〈Tī山地ê感恩節〉。Ông Eng-sè（王英世）〈Tī山地ê感恩節〉。Tī Hàn-loân〈山地感恩節ê意義〉。Gô͘ Éng-hôa（吳永華）〈都市ê感恩節〉。Hā Tek-hui（夏德輝）〈沿海ê感恩節〉。Koh來是Lí Siù-hiân（李秀賢）〈感恩節ê chhiⁿ-chhau（生臊）〉，1隻雞做4 ê菜，食譜5篇。Sòng Choân-sēng（宋泉盛）〈台南神學院院長就任演講詞〉（3）。Ko Chiau-liông（高昭龍）〈禮拜ê意義kap實際〉（3）。Kang Chìn-hoat（江進發）〈我所看tio̍h ê外國教會〉，作者tī英國學習社會福利以及神學，去過歐、美bē少國家kap教會，勉勵台灣教會tio̍h利用感恩節所獻ê金錢kap物件來幫贊艱苦人、設奬學金等等，án-ne做chiah是感恩節實在ê意義。Chhòa Phòng（蔡椪）〈牧師苦樂淡薄ê感想〉。Iûⁿ Chheng-goân（楊清源）〈理解kap誤會〉。Tè Êng-soân（戴榮旋）〈烏鴉帶餅kap肉來養飼我〉，teh講聖經中所記，烏鴉帶餅kap肉來養飼先知以利亞ê故事，m̄是神話，是真實；因為信仰是對經驗ê，ná經驗就ná確信。後面是 Si̍p-sūi-seng（拾穗生）《Khioh麥穗》（第2期）。最後是各中會消息以及傳教師總會公告。（文/Bo̍k ilī）