Chit份資料ê內容有：So͘ Thian-bêng（蘇天明）〈Lim水治百病！〉，介紹tī日本有500萬人組織ê「日本無病會」所推行ê發起ê 1種「Lim水療養法」。Lông-hu〈選擇豬仔囝〉，提供beh飼豬做副業ê家庭，án-chóaⁿ 揀豬phoe，以及相關注意事項。〈墓洞內ê殉教者（13）〉，接頂期，chit期講第15章：Lū-se-lá-suh。Ka-iú〈病人ê睏法〉，指導án-chóaⁿ替長時間倒床ê病人變換姿勢ê方法。Lú-bí〈對幼兒就養成—愛讀冊ê方法〉，幼兒教育常識。Siong-hui〈水kap身體〉，介紹水kap生理、水kap健康ê關係。Jū-hūi〈嬰仔發chhùi齒〉，育嬰常識，嬰仔發chhùi齒ê注意事項。L. I. H.，〈1張紙〉，簡介單張ê福音傳單，引chhōa人歸主ê效果，鼓勵信徒來為主做工，分福音傳單。Tân Kàng-siông（陳降祥）〈病中雜記（2）〉（待續），接頂期，chit期記寫：「頭1 pái tú-tio̍h大病ê經驗」。An-seng〈兒童故事：賣梨仔ê人〉，講1 ê貪心koh無愛心ê賣梨仔ê人，tú-tio̍h 1 ê神奇ê老阿伯kā教示，了後變做1 ê真好心、有疼心koh gâu賑濟人ê人。Chong-khiân〈責駡囡仔ê原則〉，囝兒教養法度ê參考建議。Jū-hūi〈你是好主婦！？〉，查考做婦人人ê是m̄是ē-thang負起做主婦ê責任，測驗題10條。I-seng〈慢性關節炎〉，慢性關節炎患者ê生活注意事項。（文/Bo̍k ilī）