Chit份資料ê內容有：Hūi-chin〈你為tio̍h sím-mi̍h teh做工〉，教理傳達；Tī chit-ê社會中ta̍k款人lóng有伊ê「機能」，雖然各人ê職份無kâng，總是lóng有in ê重要性。Un-chō͘，介紹基督教自發tik名ê婦女：〈Ōe-su-lí So͘-sàn-ná (1)〉（請待續），介紹18世紀英格蘭Sûn-tō-phài（循道派）創辦人ê老母 Ōe-su-lí So͘-sàn-ná（Susanna Wesley）ê生平記事。資料室〈細漢囡仔ê急救常識〉，細漢囡仔ê急救常識7條。So͘ Thian-bêng（蘇天明）〈家庭聚會〉，宗教生活kap家庭有密切ê關係，各民族ê宗教方式，lóng是tī家庭表現出來，本文有提供基督徒幾項家庭聚會ê方式做參考。編輯室〈11月份：家庭座談會〉，1禮拜1 kái ê家庭聖經研究討論，提供座談主題、聖經經節、問題討論。Lí Lú-bí〈Cháiⁿ-iūⁿ 處理個性bái ê囡仔〉，兒童人格教育。Hūi-jû〈Beh cháiⁿ-iūⁿ減輕家事ê tio̍h磨？〉，提供婦人人做家事減輕工作、節省時間ê原則hō͘家庭主婦參考。編輯室〈家庭kap讀冊〉，本文是「Cháiⁿ-iūⁿ幫贊信徒tī家庭讀宗教刊物」ê座談記錄。Un-chō͘，幸福家庭講座：〈論家庭教育（2）〉，pē母tio̍h了解本身所負ê責任ê重大，tio̍h注重兒童ê宗教教養，kap連結全家tī同一信仰。Má-lī〈後母心〉，講1位嫁人做後母ê美國婦人人cháiⁿ-iūⁿ用「疼」打破sio隔離ê牆koh thūn滿敵視cháiⁿ-iūⁿ坑溝，成功得tio̍h前人囝ê心ê實例。Hūi，〈老母講hō͘囡仔聽：作孽ê水雞〉，喻道故事，作孽ê水雞gâu創治鳥鼠，結果soah lóng死；對故事beh教示細囝，m̄-thang kā創治人ê行為tòng做心適，ta̍k家的確tio̍h saⁿ幫贊、saⁿ和好chiah好。Chiau-éng〈康樂遊藝〉，提供康樂遊藝4條。Jû-hūi〈食糖〉，健康常識。（文/Bo̍k ilī）