Chit份資料ê內容有：Chiā Hí-bêng（謝禧明）〈婚姻ê意義〉，基督教強調尊重ta̍k人ê人格，所以將婚姻看做神聖ê事，婚婚tī夫婦m̄-nā是肉體上ê結合，tī精神上koh khah thang 結合chiâⁿ做一體；所以，基督徒青年選擇對象tio̍h看對方kám是熱心ê信徒、kám有溫純ê品行，看伊ê人格，看對方有謀生ê技能無，kám有管教ê氣力kap健全ê身體；Tio̍h 相信婚姻是在對上帝ê配合，咱tio̍h準備，慎重用人格做選擇ê標準，koh ē記得祈禱求上帝幫贊，án-ne tio̍h bē有重大ê錯誤。An-seng〈嬰仔sím-mi̍h時ōe kiâⁿ〉，本文介紹嬰仔成長kap學kiâⁿ時間ê概述，另外也講tio̍h學kiâⁿ ê早慢kap嬰仔ê智力有密切ê關係。Un-chō͘，介紹基督教出名ê婦女：〈Pho-lah Ka-thaⁿ-lîm (3)：路德馬丁夫人〉，介紹宗教改革名人Lō͘-tek Má-teng（路德馬丁，Martin Luther）ê夫人Pho-lah Ka-thaⁿ-lîm (Catherine von Bora) ê生平記事。編輯室〈房間ê佈置〉，厝裡間格ê佈置kap設計。Sió Bo̍k-jîn譯〈Cháiⁿ-iūⁿ排除掛慮〉，掛慮是無神論者ê一種ê形式，一種m̄倚靠上帝ê表現。I. H.〈M̄ thang sēng pháiⁿ你ê囝〉，幼兒教養建議。An-jîn〈Cháiⁿ-iūⁿ保護目chiu〉，目chiu ê保健常識。〈家庭禮拜（12月份）〉，提供12月份家庭禮拜，家庭每日靈修ê主題、beh吟ê聖詩kap聖經節。〈音樂ōe幫贊工作〉，音樂hō͘人心情快樂，ē消除工作上ê ta-sò 無味kap煩惱，也ē增加工作效率。Chhiu-hân〈食薰可能ē減短壽命〉，健康常識。Chiau-éng〈康樂遊藝〉，提供康樂遊藝4條。Tēⁿ Chiong-in（鄭彰恩）〈做人客〉，去人兜拜訪應該注意事項。〈看電影thang á m̄ thang？〉，基督徒thang看電影á m̄ thang ê見解。（文/Bo̍k ilī）