Chit份資料ê內容有：An-jîn〈囡仔kap錢〉，訓練囡仔用錢ê能力，kap養成chek-thiok（積蓄）ê好習慣；Pē母也tio̍h有做好模樣tī用錢kap積蓄。Un-chō͘，介紹基督教著名ê婦女：〈Pho-lah Ka-thaⁿ-lîm (2)：路德馬丁夫人〉（待續），介紹宗教改革名人Lō͘-tek Má-teng（路德馬丁，Martin Luther）ê夫人Pho-lah Ka-thaⁿ-lîm (Catherine von Bora) ê生平記事。Tiuⁿ Eng-kia̍t〈家庭法律常識：結婚成立ê要件kap結婚ê限制〉，介紹婚姻制度當中「結婚成立ê要件kap結婚ê限制」ê法律常識。An-seng〈家庭收支預算〉，提供處理ka-kè（家計）ê方法ê學習，hō͘家庭ê收入ē-tàng有效te̍k運用。Sió Bo̍k-jîn〈Cháiⁿ-iūⁿ改善你講話ê聲音〉，講話ê聲音ē影響咱kap別人ê關係，若想beh好好來運用你ê聲音，的確tio̍h學習好好來處理你ê感情；人ê聲音隨時teh供給你感覺cháiⁿ-iūⁿ ê線索，所以beh達kàu聲音溫和，kap培養肯定講話ê力量，最好ê方法，就是hō͘你內面ê感情代先得tio̍h和諧。〈嬰仔ê疼〉，育兒常識，提供對嬰仔ê肢體動作，來判斷嬰仔ê疼kap無爽快。U. C.〈皮鞋ê保護法〉，皮鞋ê保養注意事項。〈家庭禮拜（11月份）〉，提供11月份家庭禮拜，家庭每日靈修ê主題、beh吟ê聖詩kap聖經節。I. H.〈你知mah？〉，飲食常識、家務常識，11條。Tēⁿ Chiong-in（鄭彰恩）〈歡送朋友〉，歡送朋友ê時，注意事項6條。Chiau-éng〈康樂遊藝〉，提供康樂遊藝3條。Chhiu-hân〈鐘內ê cha-bó͘囡仔〉，1 ê cha-bó͘囡仔為tio̍h救老pē犧牲ka-kī ê性命ê喻道故事。（文/Bo̍k ilī）