Chit份資料ê內容有：Mrs, Kay White〈基督教家庭生活ê根基〉，Lí Lú-bí譯，基督徒家庭生活nā建立tī：「有家庭ê宗教信仰，做家庭禮拜，有應付困難ê準備、交託上帝ê訓練，承認上帝ê同在kap支持」，chit-ê基石頂面，án-ne chit-ê家庭就是1 ê堅固bōe搖choah ê家庭。Un-chō͘譯，介紹1位名人ê老母：〈Hap-ní-teng 爵士ê老母〉，介紹Hap-ní-teng爵士（Lord Haldane）ê老母Í-lī-sa-pek San-tek-sùn（Elizabeth Sanderson）ê生平記事。Siú-gû: Lōa Jîn-seng（守愚：賴仁聲），兒童宗教教育小說：〈所ǹg望ê囝〉（待續），1 ê少年ê寡婦，靠ka-kī雙手chhiâⁿ養2 ê細囝，日子克苦iáu-koh真致意tī家庭ê宗教教育ê故事，chit期是〈6：Phah hō͘你死（2）〉。〈Lia̍h tio̍h男性ê心ê祕訣〉，T. L. C.譯對《讀者文摘》。Ko-tiong〈只有1 ê條件〉，喻道故事，用遊艇比phēng做人生，tò-pêng是載滿屬世ê貨物慾望，致kàu駛船ê咱ê主叫所有ê旅客lóng去坐chiàⁿ-pêng，tī人生苦海中若beh ē-tàng平安hit-pêng岸，只有1 ê條件，就是信賴主，接受伊ê指揮。〈訓練囡仔ài做工〉，Un譯，學習任何物件最好ê時陣，就是tī有學習慾望ê時，所以pē母應該tio̍h鼓勵囡仔去做工，免得lóng無代誌thang做，kàu真正tī需要伊工作ê時，伊反轉lia̍h做che是大人khok-hêng ê要求，致kàu反抗。L. L. H.〈家庭ê祭壇〉，家庭禮拜ê要緊。So͘ Thian-bêng（蘇天明）〈蘭陽區教會見聞記〉，去訪問宜蘭地區ê羅東教會ê見聞記錄。Robbie Trent〈囡仔ê觀念〉，H. H.譯，兒童對上帝觀念ê聖經研究。資料室〈長歲壽ê祕訣〉，根據觀察調查，長歲壽ê老人tī in一生中lóng過tio̍h一種爽快ê生活，in對tī家庭、社會、ka-kī ê工作kap事業lóng bōe有一點仔艱苦心ê代誌；In總是感覺滿足、安寧，koh有好ê遺傳、輕鬆ê活動、充足ê睡眠以及食無過飽ê習慣，chiah ê一切就是in長歲壽ê祕訣。（文/Bo̍k ilī）