Chit份資料ê內容有：Tēⁿ Chôaⁿ-seng（鄭泉聲）講，Tân Sūi-thêng記錄，〈美國教會觀感〉，講者分享tī美國參觀教會ê觀察kap感想。T. E. C.譯，介紹1位名人ê老母：〈Iok-hān Ko-hu ê老母〉，介紹禁酒活動家Iok-hān Ko-hu（John B. Gough）ê成長過程kap伊ê老母Jia-ní Ko-hu（Jane Gough）ê記事。Siú-gû: Lōa Jîn-seng（守愚：賴仁聲），兒童宗教教育小說：〈所ǹg望ê囝〉（待續），1 ê少年ê寡婦，靠ka-kī 雙手chhiâⁿ養2 ê細囝，日子克苦iáu-koh真致意tī家庭ê宗教教育ê故事，chit期是〈4：Phia̍k破玻璃〉。Eng-chō͘〈M̄免驚慢結婚〉，M̄免驚年齡siuⁿ-chē歲，tio̍h謹慎考慮你ê婚姻，tī未得tio̍h對象ê時，你thang草稿1 張理想ê對象ê藍圖，然後chiah慢慢認真phah拚去chhōe。Phêⁿ Bêng-chhong（彭明聰）〈消化漫談〉，醫學常識分享。Pe̍h-soat〈Bōe知足ê人生〉，喻道故事；「Bōe知足ê人生」親像亢旱ê沙漠，無論落偌chē雨水tō bōe夠額。Se̍k Te̍k-su〈3種書信〉，針對約翰一書2章所講ê，分析約翰所寫ê批信hō͘ 3種人：「細囝」、「少年人」kap「老人」ê聖經研究。Un-chō͘〈常識〉，分享幾項常識kap見聞：「湯siuⁿ鹹beh cháiⁿ-iūⁿ？」、「囡仔ê鞋仔m̄-thang 傷tōa」、「失眠kap身體接觸」、「最大筆ê醫藥費」、「蝙蝠」。Lú-bí〈M̄-thang為囝兒做牛做馬〉，pē母犧牲太chē，常常hō͘囝兒自私、過頭依賴，tio̍h自細漢教育囝兒伊學習尊重別人，hō͘囡仔ê人格健全發展。編輯室〈問題解答〉，解答讀者問題。T. E. C.〈Cháiⁿ-iūⁿ插花〉，指導插花技巧。（文/Bo̍k ilī）