Chit份資料ê內容有：Un-chō͘譯，介紹1位名人ê老母：〈Ò-kó͘ -sū-teng ê老母〉，介紹基督徒聖人Ò-kó͘ -sū-teng（Augustine）ê成長過程kap伊ê老母Mô͘-nî-ka（Monica）ê記事。Gô͘ Bêng-chiat〈夫婦間ê疼〉，T. E. C譯，夫婦之間ê疼ê維持、發展，tī消極方面：1.夫婦間ê疼m̄-thang ǹg夫婦以外ê對象來發展；2.維持夫婦間ê疼，tio̍h掃除物慾；3.Tio̍h除去彼此ê憢疑；Tī積極方面，tio̍h彼此尊重kap彼此幫贊。69 Só͘（69叟）〈高年ê保健〉，分享chē歲人保身體ê事。Siú-gû: Lōa Jîn-seng（守愚：賴仁聲），兒童宗教教育小說：〈所ǹg望ê囝〉（待續），1 ê少年ê寡婦，靠ka-kī雙手chhiâⁿ養2 ê細囝，日子克苦iáu-koh真致意tī家庭ê宗教教育ê故事，chit期是〈3：3款處理法家庭〉。Khng Ka-im（康嘉音）〈徵婚啟事〉，提出用le̍k（匿）名ê方式來替教會內ê青年男女印徵婚啟事ê建議。〈友誼〉，Un-chō͘譯，友誼親像春天ê和風、夏天ê甘雨、秋天ê黃昏、冬天ê日頭，若有友誼世界充滿活氣、和諧，人間就是美麗ê天堂。Lōa Jîn-seng（賴仁聲）〈疼ê 齒輪〉，用齒輪做兩性愛情譬喻ê教理勸勉，疼ê 齒輪beh ē順利轉seh ê條件有：「兩pêng平平是活輪、兩pêng齒tio̍h平粗、兩pêng平平有齒」這幾項 。資料室〈基督化家庭運動ê聚會〉，各地基督化家庭運動ê聚會ê消息報導。〈女性ê禁地〉，U. C.譯，紹介希臘東南pêng 1塊thó͘ kàu愛琴海ê半島，頂koân 1座hō͘人稱做「聖山」ê A-thó-su山，有1間東正教ê修道院，hit-ê所在禁止cha-bó͘人踏kha kàu。（文/Bo̍k ilī）