Chit份資料ê內容有：Un-chō͘譯，介紹1位名人ê老母：〈Hôa-sēng-tùn ê老母〉，介紹美國政治家、教育家Bú-khek Hôa-sēng-tùn（Booker T. Washington）ê老母ê生平記事。編輯室譯〈心理學家對婚姻ê看法〉（待續），本文介紹各國心理學家對婚姻ê看法，以及專家對家庭問題調查，kap研究ê幾項結論，thang做未結婚ê男女，kap已經結婚了ê夫婦ê 參考。Lîm Gī-bō͘〈食薰kap改薰〉，食薰對身體真敗壞，改薰ē減少死亡ê冒險性，回復身體ê康健，koh有幸福，改薰對人ê身體真有一舉數得ê利益，tio̍h緊緊改薰chiah好。Chiā Hí-bêng（謝禧明）〈問題pē母〉，問題兒童是對幾款家庭發生：1.對破裂ê家庭；2.對bē-hiáu家庭教育ê pē母；3.對pē母ê pháiⁿ行為；4.對無關心教育ê pē母；5.對pē母無和ê家庭；以上是問題兒童發生ê原因，taⁿ咱也tio̍h koh來檢討咱ê家庭，上帝賞賜咱家庭也交代咱教養囝兒ê責任，咱m̄-thang辜負上帝對咱ê期待。Khng Ka-im（康嘉音）〈Siáⁿ事用舊曆〉，檢討台灣teh守舊曆風俗ê必要。Siú-gû: Lōa Jîn-seng（守愚：賴仁聲）兒童宗教教育小說：〈所ǹg望ê囝〉（待續），1 ê少年ê寡婦，靠ka-kī雙手chhiâⁿ養2 ê細囝，日子克苦iáu-koh真致意tī家庭ê宗教教育ê故事，chit期刊登：「1. Hō͘ 我無發怨聲」。So͘ Siang-hui 〈婚姻迷信〉，介紹婚姻中一寡風俗，是台灣民間ê迷信，做基督徒ê m̄應該學，tio̍h除去。T. E. C.譯，〈家庭娛樂〉（待續），接頂期，繼續提供家庭娛樂ê幾種遊戲項目kap sńg法。Un-chō͘譯，〈Kap厝邊和好ê原則〉，kap厝邊和好相處ê幾項原則。T. U. C.譯，〈M̄-thang替囝兒掛慮〉，若是過頭疼囝兒，無論是平時，抑是困難、危險ê中間，利害是比好ê khah chē，做pē母ê tio̍h注意。（文/Bo̍k ilī）