Chit份資料ê內容有：Un-chō͘譯，介紹1位名人ê老母：〈Chiam-bú-su Pa-le̍k 男爵ê老母〉，介紹蘇格蘭小說家Chiam-bú-su Pa-le̍k男爵（Sir James Barrie）ê老母 Má-kā-lia̍t O͘-kek-hui（Margarat Ogilvy）ê生平記事。Hông-bêng〈你為sím-mi̍h驚惶〉，容易hō͘信徒poa̍h倒，致kàu心內ê平安變做驚惶ê有：A.女人ê誘惑；B. 錢財ê誘惑；C. 勢力ê誘惑；咱兄姐tio̍h勇敢認罪祈禱，主賞賜咱有能力來得勝chiah ê誘惑力，hit時可能咱反轉ē支配，比如ē-tàng改變in ê品質hō͘萬惡ê錢財kiám-chhái變做「慈善之根源」，惡勢力變做hō͘人和平、快樂ê力量。Chhiu-gîm〈無限ê疼〉，疼是性命ê原動力，是人類至koân ê本能，疼ē潤澤人ê心靈，美化人ê人格，充實生活，chhōa人kàu-tī光明ê路。Tī疼ê中間，老母ê疼是最偉大，是無窮盡ê，總是sím-mi̍h款chiah是真正ê疼，tio̍h 是：1.有犧牲ê疼；2.有負起管教ê責任；3.有慰安kap鼓勵；4. 有寬容kap赦免；5.每日為in祈禱。Siú-gû: Lōa Jîn-seng（守愚：賴仁聲）〈夫婦ê中間〉，chit期所講ê是：Beh創設美滿ê家庭，tī夫婦ê中間tio̍h saⁿ尊敬，如果咱ê家庭若ē照上帝ê話，tī夫婦之間ē：1.按照情理來saⁿ款待；2.Ta̍k家互相尊敬；3.Koh理解疼m̄是the̍h人ê，是hō͘人，是犧牲；若會明白chit 3 項，相信天Pē穩當祝福，我想che就是「基督化家庭」。編輯室〈家庭娛樂〉（待續），提供家庭娛樂ê幾種遊戲項目kap sńg法。〈探訪病人7項原則〉，T. U. C.譯，為避免引起病人ê反感，提供探訪病人應當注意ê事項。新聞：〈Tī海頂ê厝宅〉，U. C.譯，世界見聞。So͘ Thian-bêng（蘇天明）〈菲律賓國旅行記：我對菲律賓ê印象〉。〈疼ê感動〉，用「北風kap日頭」ê喻道故事，來譬喻耶穌ê疼。Lîm Gī-bō͘〈食薰kap肺癌〉，用科學研究說明食薰對身體ê敗壞。（文/Bo̍k ilī）