Chit份資料ê內容有：62歲ê青年〈你有明白bōe？〉，tī男、女青年，也有關係kàu教會興衰ê 3項問題：1.男、女性ê問題；2.愛情（疼心）；3.罪惡（姦淫），你kám有明白lah。Un-chō͘譯，介紹1位名人ê老母：〈A-pek-lah-hán Lîm-khéng ê老母〉，介紹美國總統A-pek-la̍h-hán Lîm-khéng（Abiaham Lincoln）ê老母 Lân-si Hán-khek-su Lîm-khéng（Nancy Hanks Linchln）ê生平記事。資料室〈Cháiⁿ-iūⁿ支配家庭費用〉，用：1.家庭用費ê分類；2. Cháiⁿ-iūⁿ分配用費；3. Cháiⁿ-iūⁿ預防免除經濟ê壓迫，chit 3項來討論kap家庭經濟支配有關係ê問題。〈M̄-thang將囡仔看做大人〉，E. C.譯，咱對囡仔bōe用得ǹg望伊tī行為上親像1 ê大人ê款，因為伊既然bōe成熟，也無夠額ê經驗去了解人對tī in ê行為，有sím-mi̍h款ê期待。Bú-tì講〈馬太kap馬利亞〉Tân Kàng-chhiong（陳降昌）譯，教理教示，世間人看做m̄-chiâⁿ-mi̍h ê不足sè-sū kap奉獻，總是tī上帝teh看是何等ê價值。So͘ Thian-bêng（蘇天明）〈菲律賓國旅行記：Tiàm La̍p-báu市1禮拜〉。編輯室〈睏ê祕密〉，人活tī世間，約有三分一ê時間睏tī 眠床頂。睏ê時，tio̍h ài án-chóaⁿ睏chiah好neh？1.睏ê時m̄-thang am頭殼；2.M̄-thang將日時ê煩惱帶chiūⁿ眠床；3.M̄-thang隨便倒tī亂chhèng-chhèng ê眠床頂睏；4.你若想beh隨時睏，請你頭殼掛chiūⁿ枕頭，m̄-thang烏白想； 5.若m̄是有醫生ê指導，m̄-thang亂食眠睏藥來促進安眠。E. C.〈拒絶m̄開門〉，喻道故事，m̄-thang將替咱還罪債ê耶穌tòng做債主，hō͘伊tī門外直直phah門m̄開門。（文/Bo̍k ilī）