Chit份資料ê內容有：〈Tī王宮過聖誕節〉，對《聖誕故事》譯，1 ê溫柔ê孤兒Jī-mí，替人擦鞋度日，常常唸老母教ê祈禱文：「溫柔主耶穌求祢看顧chit-ê細囝... hō͘ 我乖乖，koh求祢看顧全世界。」替人祈禱，有一日為tio̍h救1 ê細囝犧牲ka-kī ê性命，伊ê朋友Lô͘-pek先生為伊哀哭：「Jī-mí已經到hit-ê看顧全世界ê王ê所在là！Tī hia伊無koh iau餓，無koh孤單，伊kàu王宮去過聖誕節là！」。Un-chō͘譯，介紹1位名人ê老母：〈Iok-hān K. A-tong-su ê老母〉，介紹美國總統Iok-hān Khin-si A-tong-su（John Quincy Adams）ê老母 A-pí-kai Su-bi̍t-su（Abigail Smith）ê生平記事。E. E. Hatchell〈伊ê車費〉，Hông-bêng譯，喻道故事。Lōa Jîn-seng（賴仁聲）〈女性一生ê三大課題〉（待續），接好ta-ke，好tiūⁿ-ḿ，代先講起：「權力bô͘、溺愛bô͘、該然bô͘」chit 3款ta-ke，koh來講「好tiūⁿ-ḿ」；女性一生最大ê美德就是用你ê bún笑來安慰你ê丈夫，用疼ê目屎來教示你ê囝，用你ê溫純恭敬ê態度來iú孝你ê ta-ke、koaⁿ，你是疼ê化身。〈音樂kap兒童〉，E. C.譯，音樂ōe hō͘人得tio̍h安慰、消除憂悶ê心情，khah積極ê，koh ōe變化人ê氣質，hō͘受氣變溫柔、軟弱變勇壯，音樂是人類精神中ê維他命，所以，做pē母ê人m̄-thang忽略音樂對囡仔ê重要。〈幸福家庭kap金錢問題〉，tī婚姻中金錢ê地位，有時會幫贊促成婚姻成功；有時也可能ē是破壞美滿ê婚緣ê主因；家庭中若因為經濟問題生起煩惱，建議tio̍h用：「1.誠實檢討、2.建立正常全ê家庭經濟政策」做基本原則來改善。So͘ Thian-bêng（蘇天明）〈菲律賓國旅行記〉。〈禮貌kap仁愛〉，T. U. C.譯，禮貌是心內所發出ê疼ê表示，比尊敬khah有價值，比客氣khah親切，是對tī關心別人ê福樂所生ê，一種有思想ê表示；真正ê禮貌，只有對善良ê心chiah ē表現出來，若beh收成禮貌，tio̍h ài栽種疼心。Ông Bêng-tō（王明道）〈體貼別人〉，你ài別人cháiⁿ-iūⁿ款待你，tio̍h照樣款待別人。資料室〈家庭 chong（chông，藏）藥須知〉，家庭裡備用藥品藏收ê注意事項。（文/Bo̍k ilī）