Chit份資料ê內容有：蔡黃寶玉〈演變中ê家庭生活kap婚姻準備〉，S. Ch.譯，本文作者參加東南亞ê家庭生活kap研究ê討論心得；針對現代家庭生活ê問題：1.大家庭制度ê改變；2.新、舊思想ê衝突；3.經濟狀況ê無安定； 4.都市kap工業化ê影響；5.西方文化ê侵蝕，提出看法；另外，對基督教會beh cháiⁿ-iūⁿ領導青年面對婚姻準備，所記寫ê有：「兒童期婚姻準備」kap「青年期婚姻準備」ê指導意見。〈Cháiⁿ-iūⁿ消除不良ê心情〉，T. U. C.譯，beh消除不良ê心情ê原則有：1.養成對細項代誌感覺趣味ê習慣；2.M̄-thang因為小可仔破病來煩惱；3.專心來工作；4.保持樂觀；5.Tú-tio̍h代誌tio̍h有決定，過頭tiuⁿ-tû ē hō͘心紛亂；5.把握現在。編輯室譯〈Tī操作來歡樂〉，只有創造ê家庭，chiah-ōe享受真正幸福ê快樂；比如全家做伙創作料理，合力做家務，án-ne同心合齊所得tio̍h成果，chiah-ē hō͘ 家庭享受真正幸福ê快樂。〈祈禱hō͘ Bú-tì成功〉，Lí Lú-bí譯，信徒見證。Ông Bêng-tō（王明道）〈Gōng人中最gōng ê人〉，宣揚教理。L. J. S. （賴仁聲）〈女性一生ê三大課題〉（待續），本文講第二課：「賢母」，接sòa前期ê 35面，以及第2單元：Tio̍h án-chóaⁿ來教4—7歲ê囡仔；第3單元：Tio̍h án-chóaⁿ來領導8~13歲ê囡仔。〈善用腦力kap體力〉，H. chu.譯，科學家kap心理學家所提供關係使用腦力kap體力ê意見：1.使用腦力tio̍h ài專一；2. Kiâⁿ路ê時tio̍h注意經濟速度：根據研究用1分鐘kiâⁿ 65公尺是kiâⁿ路最經濟ê速度；3.應該防止視力ê厭siān；4.物件若ná接近身軀ê Sûi-ti̍t-te̍k（垂直軸）就ná省力；5.避免固定khiā teh；6.體力kap腦力，最好tio̍h交換運用。〈食薰有利益無？〉，拆明食薰對壽命ê妨害、人體健康ê損害ê科學te̍k說明。編輯室〈Lim酒ê張先生死lah〉，因為悔改信耶穌來改酒ê張先生，kā lim酒ê張先生賜死ê喻道故事。〈結婚式ê詩〉，作詩：D, B, Yurney（1858~1932），作曲：Joseph Barnly（1836~96），Chiu Thian-lâi（周天來）譯，chit首詩是對日本ê新讚美歌428首翻譯ê，適用tī基督教結婚式ê詩。Chhun-thô著〈偉大ê母親〉，稱頌老母ê疼。〈耶穌是sím-mi̍h人？〉，對Khoe-chúi翻譯，宣揚教理。〈Tūi道逃性命〉，喻道故事，某1 ê城hō͘對敵攻破，in利用tūi道來做in閃避對敵ê所在，若咱tú-tio̍h患難ê時，也thang走kàu上帝為咱所備辦hit-ê閃避患難ê所在。〈囝兒ê態度是對pē母學來ê〉，C. E.編譯，做pē母ê tio̍h注意身教對囡仔ê影響。（文/Bo̍k ilī）