Chit份資料ê內容有：矢內原忠雄〈談論結婚〉68 Só͘（68叟）譯，對日本所發刊《嘉信》1959年2月號翻譯，人生有比結婚khah要緊ê事，就是信仰，不管有結婚無、結婚對象有同信無，第一要緊是tio̍h對信仰來服sāi上帝，人若tī伊ê生活中ē-thang來證明天國真理ê，lóng ē受祝福。〈Khek-lô ma-ma kap成績單〉，Hūi-hiong譯，譯自Reader’s Digest（讀者文摘），一對木匠夫婦是波蘭移民，in tī美國芝加哥hō͘法院認定、表揚chiâⁿ做優良ê家庭，本文講起in ê家庭教育kap信仰ê故事。Chiā Thian-lo̍k（謝天祿）〈Gâu ê婦人人〉，本文講1.Gâu ê婦人人tio̍h順服丈夫；2.Gâu ê婦人人是丈夫ê活泉；3. Gâu ê婦人人受丈夫kap囝兒ê尊敬；4. Gâu ê婦人人beh用智慧kap仁慈做丈夫ê顧問（counselor）；5. Gâu ê婦人人尊敬主做大。Un-chō͘譯，介紹名人ê老母：〈Chó-hán Ô͘-hut-kan Ko-tek（Johann Wolfgang Goethe，歌德）ê老母〉，本文紹介大詩人Chó-hán Ô͘-hut-kan Ko-tek（Johann Wolfgang Goethe）ê老母Í-lī-sa-pek Ko-tek ê生平記事。拾稻生〈六合篇〉，chit期紹介〈自殺救濟會〉。〈女性一生ê三大課題〉，本文講第二課：「賢母」，以及第1單元：Tio̍h án-chóaⁿ來io嬰仔？（待續）。Lîm Gī-bō͘〈Thang lim酒mah？〉，對聖經教示來論lim酒，chiah koh用科學te̍k談論lim酒對身體所產生ê變化。So͘ Thian-bêng（蘇天明）〈中部水災訪問記〉，60年來ê大水災，中部受災嚴重，去中部災區所聽所看ê記事。拾稻生〈Phang-leng（蜂乳液）〉，蜂乳液常識。〈論神主〉，勸人歸正信基督ê唸歌。（文/Bo̍k ilī）