Chit份資料ê內容有：Un-chō͘譯，介紹1位名人ê老母：〈英國皇帝愛德華第7 ê老母〉，介紹英國皇帝Ài-tek-hôa七世ê老母：英國女皇 Î-to-lī-a（ Victoria）ê生平記事。68傁（叟）〈感言〉，作者用旁聽ê身份去參加tī台南神學院舉行ê「基督化家庭生活研究會」ê感想。Chhî It-bêng〈1 ê離開故鄉ê殉教者〉，1位決心beh chiâⁿ做基督徒ê印度青年Ka-ta̍t，老pē受氣kap伊脫離關係，了後，Ka-ta̍t去西藏傳基督福音soah來殉教ê故事。Phêⁿ Chheng-iok（彭清約）〈蜜ê功效〉，用科學te̍k ê介紹蜜ê成份kap對人體功效。Lio̍k-pat-só͘（68叟）〈介紹10 kho͘ 銀ê作用〉，台南市18單位ê教會，tī1957年組織1 ê喜事、喪事輔導委員會，制定規則，推行喜、喪事習俗改革；有教會真積極切實teh做，舉例，in教會辦結婚式請人客m̄是主家辦理，是kā in恭賀ê人做慶祝會來請新郎、新婦kap主婚人，會費每份10 kho͘銀，辦了主、客兩方lóng真滿意、無長短kha話，主家輕鬆、有歡喜快樂、無重擔，真正一舉幾若得。〈初做老母ê議問（疑問）〉，E. C. T. 譯，針對新做老母ê人，對tī養育嬰仔ê所提出問題，提供解答意見。編輯室譯〈測驗—愛情ê 12 ê問題〉。Eng-úi〈台灣囡仔ê號名〉，台灣囡仔號名ê方式有照景色、照夢、照託神、照壓勝、照補缺等ê方式，koh有人名字總筆ê計算，tio̍h用「興、旺、衰、微」來點算，chia有一種迷信風俗，基督徒應該用sím-mi̍h精神，抑是思想來kā你ê囡仔號名，tio̍h三思。編輯室譯〈簽名ê價值〉，本文是講美國現在有人專門teh收集各種名人有簽名過ê各種文件ê相關報導。Tân Kàng-chhiong〈Cháiⁿ-iūⁿ bōe睏得〉，教理宣揚。〈M̄-thang siuⁿ過頭疼囡仔〉，Tō͘ Pó-lô譯。福音詩1首，〈論偶像〉。（文/Bo̍k ilī）