Chit份資料ê內容有：Maynard〈夫妻ê關係〉，Ông Lâm-kia̍t（王南傑）記，sòa接前月號，本文談論幫贊夫婦生活完滿快樂ê要素；總講，若beh有快樂ê家庭，夫婦對人生觀ê哲學kap信仰tio̍h有一致。Khng Ka-im（康嘉音）〈婚姻介紹ê實際〉，同信結婚運動ê論證文。〈1人引chhōa 1人〉，短文，基督徒增長術。賀川豐彥〈囡仔siáⁿ事愛sio-phah〉，Tēⁿ Khó͘ Sèng-chu譯，根據美國心理健康研究所所提供ê意見，囡仔愛sio-phah ê原因有：A.因為心中積怨恨chiâⁿ kiû仇來動武；B.對m̄願來反抗；C.因為一時te̍k ê大受氣來起sio-phah；D.對競爭ê心理；E.為tio̍h友誼ê sio-phah；F.1種煩悶ê表現；若是pē母對囡仔ê sio-phah tio̍h注意：1.囡仔teh冤家ê時大人m̄-thang介入；2.遇tio̍h囡仔sio-phah，tio̍h即時阻止，m̄免ok；3.囡仔sio-phah了，就是教育in ê好機會；4. 持防新ê爭端再起；5.解決囡仔ê紛爭tio̍h公平合理；6.M̄-thang用大人ê標準去量囡仔ê冤家；7.M̄-thang對sio-phah ê囡仔有成見；8.囡仔sio-phah了後，tio̍h受tú好ê照顧。Ô͘ Hān-hun〈調查S. S.（主日學）學生缺席ê理由〉，針對主日學學生缺席ê理由：1.驚輪tio̍h祈禱、2.無看重主日學、3.為tio̍h學校月考、期考ê準備kap 4.其他；進行檢討來提升主日學學生ê出席率。Ông Bêng-tō（王明道）〈講話tio̍h慢〉，「講話tio̍h慢」ê行為準則就是趁教理ê教示，因為聖經講：「Ta̍k人論kàu聽tio̍h緊，講話tio̍h慢。」。〈基督是咱ê活命〉，教理教示短文。拾稻生〈六合篇〉，科學常識、研究報告等綜合報導。Tân Chûn-gī 〈我beh講起主cháiⁿ-iūⁿ拯救我〉，信徒見證。（文/Bo̍k ilī）