Chit份資料ê內文1～10頁缺頁，其中有〈聖徒ê結婚〉，用：1.聖徒的確tio̍h教會中選對象、2.進行婚事，tio̍h ài經過有信心，有見識ê pē母主持、3.媒人tio̍h有敬畏主、4.M̄-thang bōe記謀事在人、成事在天、5.疼心kap美德不可忽略、6.最後是本人ê同意，chit幾項來論。賀川豐彥〈囡仔ê睡眠kap運動〉，Tēⁿ Khó͘ Sèng-chu譯，囡仔ê睏眠真要緊，tio̍h hō͘ 伊睏10點鐘，也tio̍h hō͘ 囡仔睏中晝，無睏ê囡仔ē肥，精神也ē精差，tio̍h hō͘ in睏夠額；Koh來，運動不足ê囡仔gâu吵、gâu吼，若有thang運動囡仔就無siáⁿ-mih thang吵，koh若hō͘ 囡仔tiàm-tī自然環境，也thang hō͘ 對tī自然好奇心得tio̍h滿足。〈Án-chóaⁿ chiah ōe保存少年〉，養生經驗分享。Chio̍h Liân-tiòng〈Hō͘ cha-bó͘ 囡仔鬼lia̍h去做丈夫〉，Siong-hui筆記，石長老ê信仰見證，信主了後，肉體得tio̍h醫好，經濟漸漸富裕，得tio̍h天Pē大賜福，現時有厝宅有bó͘囝、有產業。〈中年以後食量tio̍h減少〉，衛教常識，對HOME LIFE JOURNAL譯。拾稻生〈六合篇〉，教理教示、衛教常識、研究報告等綜合報導。(Í-siōng)。資料室，〈測驗你有熱情抑無？〉，個人性格ê測試。〈學m̄-tio̍h樣〉，短文1篇。Ài Hiong〈Siàu念故鄉ê教會〉，提醒人m̄-thang bōe記得故鄉ê教會，時常奉獻一切，來貢獻tī故鄉ê傳道，想出妙法來應援故鄉ê教會。〈無知ê財主kap siòng命仙〉，喻道故事。Ông Bêng-tō（王明道）〈清氣〉，Tēⁿ Chiong-in（鄭彰恩）譯，個人衛生kap使用公物ê守則。Tân Kàng-chhiong〈人生kap苦難〉，靈修見證分享，若是tiàm tī基督ê內面，就thang克服逆境。〈醫治pháiⁿ性地〉，短文，醫生開藥方：「Ta̍k 工讀1點鐘ê聖經」，醫好婦人人pháiⁿ性地ê病症。（文/Bo̍k ilī）