Chit份資料ê文章有：Khó͘ Iú-châi（許有才）講演，〈美好ê家庭：夫婦共通ê勸勉〉，勉勵夫婦tio̍h 趁使徒彼得só͘講ê教示，tio̍h：1.同心、2. Tio̍h saⁿ體貼（設身處地）、3. Saⁿ疼親像兄弟、4. Saⁿ憐憫、5. Tio̍h謙卑、6. Tio̍h祝福；照án-ne 來kiâⁿ。Sió Be̍h〈戀愛結婚kiám是最理想？〉，戀愛結婚ê議題探討。Lâu Goa̍t-lân〈插花講座〉，chit期sòa接頂期ê基本花型繼續講：II. Chhiâ-thé hoe-hêng（斜態花型）、III. Sûi-thé hoe-hêng（垂態花型）。Siang-hui〈失落快樂ê家庭以後〉，本社記者報導Si Tek-bêng先生全家族出外旅遊，tú-tio̍h遊覽車péng車ê事故，採記事故者ê心情kap見證。Jû-lân〈介紹孤兒ê家—台中Kong-im育兒院〉，本社記者採訪台中ê Kong-im育兒院ê記事。賀川豐彥〈駡囡仔ê方法〉，chit 期講：「囡仔ê揀食（偏食）」、「社會te̍k環境」、「無用「駡」ê心理te̍k教育法」等chit幾項主題。 Khó͘ Iú-châi（許有才）〈教育實例〉，分享一位女宣教師所經驗教囡仔ê教育實例。N̂g Chúi-moāi（黃水妹）〈我ê得救〉，信徒見證分享。拾稻生〈六合篇〉，chit期講：〈人類kap 蟲豸〉，講起人類kap蟲ê關係。 Siang-hui 〈基督化家庭造就會〉，一場造就會ê簡報。Khioh-tiū-sūi（Khioh稻穗）〈血〉，紹介「血」ê成份組織。Âng Siok-kheng〈飯beh án-chóaⁿ煮？〉，分享án-chóaⁿ煮好食ê飯ê心得。〈路德馬丁peh石階〉，路德馬丁用kha-thâu-u去peh 1座傳說ê石階，講若完成就thang得tio̍h赦罪，tī中途所聽見「義人對信得tio̍h活！」ê記事。〈老虎母〉，講起一位婦人人信主了後性情大改變ê見證。（文/Bo̍k ilī）