Chit份資料ê文章有： Khó͘ Iú-châi（許有才）講演，〈美好ê家庭kap婦人〉，四正ê家庭觀是美好家庭ê出發，照聖經研究使徒彼得真切實勉勵夫婦建設美好ê家庭，也勉勵婦人人tio̍h發揮in ê專長，第1.叫婦人人順服丈夫；第2.清氣ê kiâⁿ做：就是A.厝內外tio̍h清氣siùⁿ、B.思想tio̍h、C.對錢財也tio̍h清氣、D. Tio̍h顧守一夫一婦以外對異性清氣siùⁿ；第3.溫柔；第4.恬靜；第5.無tah-hiaⁿh來驚惶。So͘ Thian-bêng（蘇天明）〈Pē母kap 囝兒ê關係〉，一般ê人對家庭ê責任完全交代tī老母，chit款看法有大ê錯誤，男女結婚了後應該準備做pē母，負起對囝兒ê責任，所以用幾點來講：1.Pē母tio̍h koh再教育；2.Pē母對囝兒ê觀念；3.Pē母對教育囝兒tio̍h注意ê點：1)Tī教育上做pē母ê tio̍h同心合作、2)教囝兒尊重爸母、3)注重兒童ê個性、4)公平款待；4.Pē母對囝兒ê責任：1)講真實ê話、2) M̄-thang tī囝兒ê面前批評人、3) M̄-thang tī囝兒ê面前相看輕、4) Tio̍h關心囝兒一切ê生活。Sió Be̍h〈Beh cháiⁿ-iūⁿ 指導青年結婚問題〉，用幾點分享：1.Tī日常生活中，ǹg in講起婚姻ê重大性；2.指導in選擇合tī ka-kī kap家庭ê需要ê對象；3.結婚前ê指導：1)教示in有信仰te̍k ê結婚觀念、2) 牧長做pē母kap青年中間ê緩和者。Siang-hui〈35 kho͘ 〉，新興教會ê長執會所研究：「Tio̍h cháiⁿ-iūⁿ鼓勵結婚式請客ê簡素化」，實際試辦ê情形kap討論；期待基督徒tio̍h實踐耶穌講：「Lín是世間ê光，地上ê鹽」ê教示，tio̍h造出好風俗hō͘社會來學。醫學常識： Phêⁿ Bêng-chhiong(chhong)（彭明聰）〈脈〉。Lô͘ Bān-tek（盧萬德）〈衛生kap古早人ê流傳〉，運用醫學常識指正台灣流傳ê一寡風俗、習慣、衛生ê錯誤；Chit期討論：「出麻仔tio̍h chia̍h hm̂仔根kap冬瓜茶mah？」。〈長女70校慶〉，長榮女學tī3月12-14舉行校慶ê記事。Lîm Gio̍k-tiân（林玉田）講， 〈台灣飼豬ê實際kap理論〉，So͘ Hūi-chin （蘇蕙蓁）筆記，對tī飼養問題ê幾項要點來講：1.營養學ê基本智識、2.台灣養豬ê飼料kap性質、3.飼料ê加工kap保藏、4.最近ê成長促進法、5.各種豬飼法ê要點、6.關係Tân Sūi-san（陳瑞山）式飼豬法ê理論考察。（文/Bo̍k ilī)