Chit份資料ê文章有：Chiā Chài-seng（謝再升）〈幸福ê家庭〉，基督徒tio̍h建立幸福ê家庭來榮光主ê聖名。Khó͘ Iú-châi（許有才）〈建設美好ê家庭〉，代先講「Tio̍h認清家庭ê目的是sím-mi̍h？」，若果然認清chit-ê目的有3項ê影響：1.Beh選擇匹配ê時，tio̍h揀hit款ē幫補我缺點ê；2.結婚了後2人tio̍h ài歡喜聽對方ê指教；3.家庭也ē chiâⁿ做人物ê養成所。So͘ Thian-bêng（蘇天明）講，〈主婦kap基督教家庭教育〉，用：1.Tio̍h顧ka-kī ê家庭；2.基督教教育施行地點；3.基督教教育ê負責人；4.基督教家庭教育ê時機；5.基督教家庭教育ê方法；6.Tio̍h考慮：「Pē母m̄-thang為tio̍h職業來犧牲家庭、現在青年kan-ta追求學問、pē母為tio̍h生活透早、透暗無閒，無teh親子ê互動、過頭熱心聚會無閒ê pē母，ka-kī ê家庭放鬆無關心，無注意囝兒家庭宗教教育。」Chit 幾項來談論。Sió Be̍h 〈同信結婚問題〉，針對現在教會內同信結婚ê實情：1.現在大部分ê信徒，看同信、抑是無同信ê結婚，無sáⁿ問題；2.Chóaⁿ-iūⁿ thài ē無teh要緊tio̍h同信結婚！3.現時教會ê領袖對青年結婚方面ê指導缺乏，也m̄敢強調信徒tio̍h「同信結婚」。〈請注意統計〉，1958年1月13日高雄中會人事部「鼓舞同信結婚」ê運動ê統計報告。Âng Siok-kheng〈用sím-mi̍h款ê爐、灶khah 好〉（待續），爐、灶等灶跤用品使用心得分享。Lô͘ Bān-tek（盧萬德）〈衛生kap古早人ê流傳〉，運用醫學常識指正台灣流傳ê一寡風俗、習慣、衛生ê錯誤。Gô͘ Lē-chì ko͘-niû（吳瓅志姑娘），〈學習kap見證〉，本篇講者吳姑娘（Miss J. W. G）是前長榮女學ê校長，勉勵基督信徒聽主ê呼召ê時，lóng tio̍h起來順應主ê呼召來跟tòe伊。〈上帝實在是偉大─祝福7歲ê cha-bó͘囡仔ê祈禱 〉，H. C. 譯。見證分享。Khioh Tiū-sūi（Khioh 稻穗）〈六合篇〉，2篇短文：〈人kap猴ê精差〉、〈身體譬喻厝〉。最後是福音詩歌，〈Ai-tiân（伊甸） ê樂園〉。（文/Bo̍k ilī）