Chit份資料ê內容，是根據聖經來進行關係聖神tī耶穌基督ê信徒生活中ê作用kap教導，解釋信徒需要了解ê有關聖神ê知識，啟發聖經中ê信息，進一步對聖神ê理解，鼓勵信徒tī生活中kap 聖神tâng-kiâⁿ。本冊分做3章，第一章：得tio̍h聖神ê方法，信主ê人，ta̍k人lóng得tio̍h上帝所賞賜ê聖神，總是beh得tio̍h聖神ê法度有2項tio̍h kiâⁿ，就是反悔罪，kap信救主耶穌。雖罔有得tio̍h聖神iáu-kú無的確有得tio̍h到伊ê充滿。所以，第二章論得tio̍h聖神充滿ê方法，beh得tio̍h聖神ê充滿在tī ka-kī，降服耶穌ê人得tio̍h聖神ê充滿有2項tio̍h做，就是信靠kap順服；人若有降服就有順趁，咱若專心獻ka-kī hō͘基督，就beh順趁所降服ê聖神；信靠，有4項：Tio̍h信靠tiàm-tī心內ê聖神、tio̍h倚靠聖神出在伊顯明、出在聖神做工tī lín ê心kap tio̍h hō͘聖神用你來做工。第三章：得tio̍h聖神常常顯明ê方法，就是tiàm-tī基督，順趁聖神來行，顯出tiàm-tī基督ê款式，tio̍h信靠耶穌基督是心神ê活命，koh kiâⁿ 疼人ê教示，因為上帝本身是疼，所以，只有甘願疼人ê人chia̍h thang得tio̍h聖神ê顯明，人若ài得tio̍h上帝久長ê顯明，tio̍h久長tiàm-tī疼，因為信是交陪上帝ê門；疼是服sāi人ê門。（文/Bo̍k ilī）