Chit份資料ê內容有：卷頭詞：Tiuⁿ Hông-chhiong（張逢昌）〈仰望十字架〉，Koh活節ê勉勵，tī充滿快樂ê Koh活節ê時，咱tio̍h ē記得koh活ê代先是主ê受難，十字架ê艱苦。Koh來是講座2篇：1篇是Gô͘ Chheng-ek（吳清鎰）〈舊約聖經各卷的總論—第四章：民數記〉，本文用：「1.本書ê名稱、2. 本書ê目的、3. 本書ê特性、4.本書ê內容、5.本書特色ê教示、6.本書ê強調點」等主題來做導讀。另外1篇是Lîm Gio̍k-tiân（林玉田）〈新約聖經各卷的總論—第三章：馬可福音傳〉，有：「I.著者、II.時間kap地點、III.目的、IV.特色、V.內容ê概要」chit幾主題來做介紹。接落去ê禮拜指導：分做〈幼稚科〉kap〈兒童禮拜〉。〈幼稚科〉由幼稚教育小組編寫，ta̍k禮拜ê教材教案有：主題、目的、材料（聖經、聖詩、（尪仔）圖）、引起動機、故事、課後活動等設計。〈兒童禮拜〉ê部份是：「金句ê故事」由K. E. J.、S. K等幾位負責編寫。分科ê教材：〈初級〉ê部份是Chiā Hi-bêng（謝禧明）編寫，〈高級〉ê部份由Chiong Bō͘-sêng（鍾茂成）負責，ta̍k禮拜〈初級〉ê課程教案有：題目、聖經、目的、教ōa；〈高級〉ê用1段聖經（經文）來進行研究kap討論。後面是中文書寫ê〈T.K.C.例會指導〉，由中國主日學協會所編寫。繼續是成人家庭教育科：Tīⁿ Liân-khun（鄭連坤）〈關係結婚ê年齡〉，本文運用對話式來論結婚khah tú好ê年齡，建議tio̍h考慮：1.生活年齡、2.身體年齡、3.智能年齡、4.情感年齡、5.社會年齡、6.理智年齡kap精神年齡，等chit幾項做參考 。研究：Iâu Chèng-tō（姚正道）〈猶太ê風俗kap習慣（14）〉，chit期紹介「教育」，代先講tio̍h：「I.胎教；II.家庭教育；III.學校教育；IV.客舍」chit幾項。最後是〈消息〉5條kap Tiuⁿ Hông-chhiong（張逢昌）〈編者ê話〉。（文/Bo̍k ilī）