Chit份ê內容有： Tân Chhòa Gê-sian（陳蔡霓仙）ê卷頭詞〈幼兒教育和家庭〉，對教會附設ê幼稚園kap托兒所ê教育者，cháiⁿ-iūⁿ兼顧幼兒教育kap基督教教義傳達，用：「1.幼兒教育者tio̍h cháiⁿ-iūⁿ對待幼兒；2.幼兒教育者beh cháiⁿ-iūⁿ培養幼兒。3.幼兒教育者beh cháiⁿ-iūⁿ kap家長合作來完成幼兒教育」chit幾項探討。繼續是教員養成講座3篇：（1）Gô͘ Kong-bêng（吳光明）〈基督教教育kap體驗（1）〉，待續，聖經kā咱講，咱做先生ê就是「基督ê欽差」kap「基督ê差用」，咱taⁿ來對chit 2 ê真理得tio̍h教示：I. Lín tio̍h學我，親像我學基督。（2）Tīⁿ Liân-bêng（鄭連明）〈基督傳（7）〉，耶穌基督ê傳記，chit期繼續講第5章：受歡迎ê 1年，子題：「II.傳道ê方法」。（3）Lîm Gio̍k-tiân（林玉田）〈保羅（12）〉，接10月號第29面，chit期講（五）神學者保羅，分做：「I.保羅神學ê本質；II.保羅神學ê路用」chit幾項來講。Koh來是主日學ê教材： Tân Thiam-teng（陳添登）編寫，〈兒童講道的指針及分班時的教材〉，教案內容大約有：金句、聖經（教員ê參考）、開會禮拜（有：頭序、本論、結論），分班課程：聖經、討論；11月份ta̍k禮拜主日學ê課題是：11月1日：〈信徒ê團契〉；11月8日：〈對上帝盡至大ê忠誠〉；11月15日：〈盡忠kàu死〉；11月21日：〈腓力，有心ê傳道者〉；11月29日：〈掃羅hō͘基督tú--tio̍h〉。後面是中國主日學協會編ê中文書寫ê〈T. K. C. 例會指導〉kap Tiuⁿ Hông-chhiong（張逢昌）〈編者ê話〉。（文/Bo̍k ilī）